ကိုမျိုးမြန်မာ သို့  ပြန်ကြားခြင်း

ကျနော့ ဆောင်းပါးနဲ့ ပတ်သတ်ပြီး ကိုမျိုးမြန်မာ မေးတဲ့ မေးခွန်းတချို့ ကို ကျနော် တာဝန်ယူ ပြန်ကြားသင့်တယ် လို့ ထင်တဲ့မေးခွန်း တွေ ကို ဖြေလိုက်ပါတယ်။ ကျနော် အနေနဲ့ ဒီမိုကရေစီ သမားအားလုံးကို ကိုယ်စားပြုပြော နိုင်တဲ့ အနေအထား မရှိဘူး ဆိုတာတော့ ကြိုပြော ထားချင်ပါတယ်။ ကျနော့ ကိုယ်ပိုင် မမြင်နဲ့  ယုံကြည့်ချက်ကိုတော အပြည့်အဝအာမခံ ဖြေကြားပါ့မယ်။

၁) ဒီမိုကရေစီသမားများသည် အနောက်နိုင်ငံများမှ မလှုပ်ရှားခြင်းကို ငြူစူကာ အမှန်တကယ်တွင် သင့်ဆောင်းပါးတွင် ဆိုခဲ့သကဲ့သို့ ရမ်ဘိုကြီးတွေမိုးပေါ်ကကျလာကာ မြန်မာနိုင်ငံအား ကျူးကျော်တိုက်ခိုက်သိမ်းပိုက်ဖို့ကို မျှော်ခဲ့ပါသလား။

ကျနော် ဟာ အနောက်နိုင်ငံတွေရဲ့  မလှုပ်ရှားခြင်းအပေါ် မည်သို့ မျှမငြူစူပါ။ ရမ်ဘိုကြီးလဲ မလိုချင်ပါ။ လက်နက်ကိုင် သိမ်ပိုက်မှုမျိုးသာ မက လက်နက်မဲ့ စီးပွားရေး အရ အတွေးခေါ် အရ ထိန်းချုပ်လွမ်းမိုးမှုကို လဲ မခံနိုင်ပါ။ ဒါတင်မက လက်ရှိတရုတ်၊ အိန္ဒိယ၊ အာစီယံ နိုင်ငံများ ရဲ့  ကျနော် တို့  တိုင်းပြည်အပေါ် သဘောထားကို လဲ လက်မခံနိုင်ပါ။ တကယ်လို့  အမေရိကန် နဲ့  နိုင်ငံတကာ တပ်တွေစစ်အုပ်စု ကို မောင်းချပေးဖို့  အိရတ်ကို ဝင်သလိုဝင်လာ မယ် (ဖြစ်လာမယ်လို့  လုံးဝ မယုံကြည်ပါ၊ လုံးဝ မမျော်လင့်ပါ) ဆိုရင်လဲ မောင်းထုတ်ပေးတဲ့ အတွက်ကျေးဇူးတင်မယ်။ နှောင်ကြိုးတွေ ပါလာမယ် ။ မိတ်ဆွေအဆင့်ထက် ကျော်လာပြီး လက်ရှိ တရုတ်လို ၊ အာစီယံလို အပေါက်မျိုး ဖြစ်လာပြီး ဆိုရင်တော့ အဲဒီအုပ်စုတွေ ကို ကျနော် တော့ တိုက်မယ်။ ကျနော် တိုက်လို့ ရတဲ့နေရာက တိုက်မယ်။ ဒါဟာ ကျနော်နဲ့  ထိတွေ ဖူး တဲ့ တော်လှန်ရေး သမား (နိုင်ငံရေး သမား မဟုတ်ပါ) အများစုရဲ့  အမြင်ဖြစ် တယ်။ ပြည်ပအားကိုး ဘာဖြစ်တို့ ၊ အနောက်မျှော် တို့ ဆိုတာ စစ်အုပ်စု ရဲ့ ၎င်းတို့ နဲ့  တရုတ် ဆက်ဆံရေး၊ ရုရှားဆက်ဆံရေး၊ အိန္ဒိယဆက်ဆံရေး နဲ့  အာစီယံဆက်ဆံရေး စတဲ့ ဖြစ်စဉ်းတွေ ပေါ်ကနေ မြင်ပြီး ဆွဲယူထားတဲ့ ကောက်ချက်လို့ ပဲ ကျနော်တော့ မြင်တယ်။ စစ်အုပ်စု ရဲ့ ငါတို့ တောင် အားကိုးရှာ တာ သူတို့ လဲ အားကိုးရှာ မှာပဲဆိုတဲ့ တန်းညှိ ကောက်ချက် ဖြစ်တယ်။


၂) ပြည်သူအနေဖြင့် ကိုယ်အလောင်း စင်ကို ပြင်ကာတိုက်ပွဲဝင်သင့်ပြီဟု သင်ယူဆသည်။ အဘယ်ကြောင့်ပါနည်း။ အချိန်ဆွဲကာ Road Map ကိုအသက်သွင်းရန် ကြိုးပမ်းနေသည့် နအဖအား မိမိအသက်စွန့် အချိန်မီတားဆီးရမည်အထိ အရေးကြီးသည်ဟုဆိုရန်၊ ပြည်သူအား အဆိုးဆုံးထိ ပြင်ဆင်ကြတော့ဟုဆိုရန်အထိပင် လိုအပ်လောက်အောင် ဖြစ်နေသည့် ဦးတည်ချက်သည် အဘယ်အရာပါနည်း။


ကျနော့ ရေးတဲ့ ထဲမှာပါပြီးပါပြီ။ စစ်အုပ်စုရဲ့ စက်တင်ဘာလူထုလှုပ်ရှားမှု အပေါ်ကိုင်တွယ် သွားတဲ့ ပုံစုံကို ကြည့်ရင် ပြည်သူနဲ့  အစိုးရကြားက ပြဿနာလို ကိုင်တွယ်တာ မဟုတ်ပဲနဲ့  ရန်သူနဲ့  စစ်တပ်ဆိုတဲ့ သဘောထားအပေါ်မှာ စစ်ရေးအရ ကိုင်တွယ်သွား တာဖြစ်တယ်။ အဲဒီအပေါ်မှာ ကျနော် အလောင်းပြင်ဖို့  တိုက်တွန်းတာ ဖြစ်ပါတယ်။ ချောချောမွေ့ မွေ့  အသွင်ကူးပြောင်းဖို့  ကျနော်တို့  အနှစ် ၂၀ လောက်စောင့်ခဲ့တာပဲ။် RM နဲ့  ပတ်သက်လို့  အသိအမှတ်ပြုစေချင်တယ်။ အလေးထားစေ့ချင်တယ် ဆိုရင် ဦးဝင်းတင် က အစ မနေ့  တစ်နေ့ ကမှ ဖမ်းသွားတဲ့ ကိုသီဟန် နဲ့ ကိုထိန်ဝင်း ( ဒီချုပ်တာဝန်ခံ) အထိ အရင် လွတ်ပေးလိုက်ဖို့ လိုပါလိမ့်မယ်။ နောက်ဆုံး အပြင်မှာ မထားနိုင်ဘူး ဆိုရင်တောင် ညောင်နှစ်ပင်မှာ အတိုက်အခံတွေ အားလုံးကို အကျယ်ချုပ်ထားရင်း အလုပ်ဖြစ်မဲ့ အချက်တစ်ခုခုလုပ်ခိုင်း ဖို့ ကောင်းပါတယ်။ အဆိုးဆုံးထိ ပြင်ဆင်ဖို့  ကိစ္စကတော့ ကျနော့ စကား မဟုတ်တဲ့ အတွက် ကျနော် ဖြေဖို့ မဖြစ်နိုင်လို့  မဖြေတော့ပါဘူး။

ဒီမိုကရေစီဆိုလျှင် နအဖသည် Road Map ဖြင့် ဒီမိုကရေစီသို့သွားမည်ဟု ဆိုထားပြီးဖြစ်၏။ ဤနေရာတွင် ကျွန်တော့်အနေဖြင့် မရှင်းလင်းသည်မှာ သင်တို့တားဆီးချင်သည်မှာ
- ထိုRoad Map ဖြင့် ပေါ်ပေါက်လာမည့် ဒီမိုကရေစီလော၊ သို့မဟုတ်

ဒီအချက်နဲ့ ပတ်သက်ရင် RM ကြောင့် ဒီမိုကရေစီ ပေါ်ပေါက်လာမယ်ဆိုတဲ့ အချက် အပေါ်မှာ ကို သဘောတရား အရရော လက်တွေ့ အရရော မယုံကြည်ပါ။ လွတ်လပ်ပြီး ဒီမိုကရေစီ ပြည့်ဝ သော နိုင်ငံတော်ပေါ်ပေါက်ဖို့  ဖိနှိပ်ချုပ်ချယ် မှုတွေနဲ့  သွားနေတယ်လို့  မြင်ပါတယ်။

- မရောက်အောင် နအဖမှ အချိန်ဆွဲသွားနေမည်ကို စိုးရိမ်သည်လော၊ သို့မဟုတ်

အချိန်ဆွဲမဆွဲ ဆိုတာကတော့ ကျနော်ဖြေဖို့ လိုမယ်မထင်တော့ပါဘူး။

- ဒေါ်စုကြည်ပါကိုပါရမည့် ဒီမိုကရေစီလော

ဒေါ်အောင်ဆန်းစုကြည် နဲ့  NLD ကို ဝိုင်းရန်နေခြင်း ဟာ ဒေါ်အောင်ဆန်းစုကြည် ပါတဲ့ ဒီမိုကရေစီ ဆိုတဲ့ အဓိပ္ပါယ် မရောက်ဘူးထင်တယ်။ ဘုံရန်သူဖြစ်တဲ့ စစ်အုပ်စု ကို လက်တွဲတိုက် ပွဲ ဝင်နေကြချင်းပဲဖြစ်ပါတယ်။ နအဖ ဆန့် ကျင်တဲ့ နေရာမှာ သက်တန်း အရင့် ဆုံး BCP ကနေ သက်တန်းအနုဆုံး ဖြစ်တဲ့ GW အဖွဲ့ တွေ အထိ အားလုံး လက်တွဲ သွားမှာ ဖြစ်တယ်။ နောင်တစ်ချိန် ဒီမိုကရေစီ ရလို့  ဒေါ်အောင်ဆန်းစုကြည် နဲ့  NLD အဖွဲ ဟာ ပြည်သူပေါ်မှာ၊ နိုင်ငံပေါ်မှာ မကောင်းသော အမှားအယွင်း များ ကျူးလွန်လာခဲ့ရင်လဲ ကျနော် အပါအဝင် ပြည်သူတစ်ရပ်လုံး က ခုလို ပဲ ဆန္ဒပြဆန့် ကျင် ကြဦးမှာပဲ ဖြစ်ပါတယ်။ လောလောဆယ် တော့ NLD ကောင်းတာ မကောင်းတာ ကျနော့ အနေနဲ့  မပြောနိုင်ပါဘူး။ ကျနော် အသေအချာပြော နိုင်တာ စစ်အုပ်စု မကောင်းဘူး ဆိုတဲ့ အချက်ပါပဲ။ ဒါပေမဲ့ အဲလို ဆန္ဒပြ ဆရာ အဖြစ်မျိုး နဲ့  ကြုံလာခဲ့ရင်လဲ လူကြားသူကြား မှာ ဖုန်းတော်ကြီးတွေ ကို တုတ်နဲ့  ရိုက်မယ် မဟုတ်ဘူး ၊ ဘုန်းကြီးကျောင်းတွေ ကို လူဆိုးစခန်းလို ဝင်စီးမှာ မဟုတ်ဘူး။ လူတွေ ကိုလဲ နိုင်ငံရေးလုပ်တာ၊ စာရေးတာလောက်နဲ့  နှစ်ရှည်ထောင်ချမှာ မဟုတ်ဘူးလို့ တော့ ယုံတယ်။ ဒီမိုကရေစီ လို ချင်သူတိုင်းဟာ နိုင်ငံရေးသမားတွေ ချည်းပဲ။ အဖွဲ့ အစည်းစွဲ နဲ့  လုပ်နေတာပဲ ဆိုတာ စစ်အုပ်စု ရဲ့  ဝါဒဖြန့် ချီမှု သက်သက်ဖြစ်ပါတယ်။ အများစု က တော်လှန်ရေး စိတ်နဲ့ လုပ်နေကြတာဖြစ်ပါတယ်။

- တပ်မတော်၏ 25 % ကြောင့်လော

ဟုတ်ပါတယ် လို့ ရှင်းရှင်းဖြေရပါလိမ့်မယ်။ တိုင်းပြည်ပေါ် တကယ်စေတနာထားရင် အရပ်သား အစိုးရအောက် မှာ တိုင်းပြည်ကာကွယ်ရေး ကို ပဲ စောက်ချလုပ်ပေါ့။ လွတ်တော် ဆိုတာ ပြည်သူတွေ အတွက်ပါ။ ဘယ်ယူနီဖောင်းဝတ်နဲ့ မှ (လေလာသူအနေနဲ့  လည်းကောင်း လွတ်တော်က လို အပ်လို့  ဆင့်ခေါ်တဲ့ အခါမျိုး မှာလည်းကောင်း ) မဆိုင်ပါဘူး။ စစ်ဝတ်စုံ ဝတ် လွတ်တော် အမတ် လက်မခံနိုင်ပါဘူး။ တပ်မတော်ကသာ တိုင်းပြည်ကို တကယ်ချစ်တယ် ဆိုတဲ့ ခံညံ့ညံ့ကောက် ချက်ကိုလဲ လက်မခံနိုင်ပါဘူး။ တဖက်ကလဲ စစ်အုပ်စုလက်ထက်မှာသာ အရပ်သား အစိုးရဖြစ်လာ နိုင်ဖို့ ကို အကြောက်ကန် ငြင်းဆန်နေတာပါ။ ဒီမိုကရေစီ ခေတ် ရောက်ရင်တော့ တပ်မတော် ဆိုတာ တိုင်းပြည်ရဲ့  အဆောင်အယောင် တစ်ခု ၊ အင်အားတစ်ခု အနေနဲ့  ဆက်လက်တည်ရှိနေဦးမှာပါ။ ဗိုလ်သန်းရွှေပါသော တပ်မတော်၊ ဗိုလ်ရွှေမန်း ပါသောတပ်မတော် ကို ဆိုလိုတယ် ဆိုရင်တော့ မဖြစ်နိုင်ဘူးပေါ့လေ။

- ထို Road Map ဖြင့် ဒီမိုကရေစီရခဲ့ပါလျှင် အမှန်တကယ်ထိခိုက်မည်မှာ နိုင်ငံလော၊ အဖွဲ့အစည်းတစ်ခုလော။

RM ဖြင့် ဖြင့် ဒီမိုကရေစီရခဲ့ပါလျှင် အမှန်တကယ်ထိခိုက်မည်မှာ နိုင်ငံလော၊ အဖွဲ့အစည်းတစ်ခုလော ဆိုတဲ့ အမေးကို ဖြေပါမယ်။ ကျနော်တို့  အနာဂတ်တစ်ခုလုံး ထိခိုက်ပါ လိမ့်မယ်။ တပ်မတော် က တိုင်းပြည်ကို ကာကွယ်တဲ့ အလုပ်လုပ်၊ အစိုးရအဖွဲ့  ကပြည်သူတွေ အတွက်အလုပ်လုပ်တဲ့ နိုင်ငံတော်ကိုပဲလို ချင်ပါတယ်။

ယခုသင်၏တိုက်တွန်းချက်သည် သာမညမဟုတ်ချေ။ ပြည်သူသည် ထိုဆိုသောအရာ အတွက်အသက်စွန့်ရမည်ဖြစ်သည်။ အဆိုပါ ထိုဆိုသော အရာသည် အဘယ်အရာဖြစ်သနည်း။ ရှင်းလင်းစွာသိရန်လိုအပ်ပါသည်။

နိုင်ငံတကာ ကလဲ စီးပွားရေး ပိတ်ဆို့ တာထက်၊ပြင်းထန်စွာ ရှုံချတယ်ဆိုတာထက် ဘာမှ ပိုလုပ်ပေးမယ် မဟုတ်ဘူး၊ စစ်အုပ်စုကလဲ အာဏာလွဲ ပြောင်းဖို့ ကို အကြောက်ကန်ငြင်းဆန်၊ ဒီလို အခြေအနေကြား မှာ ပြည်သူက တဖြည်းဖြည်း မွဲသထက်မွဲ ၊ အောက်တန်းကျသည် ထက်ကျ လာတဲ့ အခြေအနေ ကို ကျော်ဖြတ် ဖို့  ဒီလမ်းတစ်ခု ကျနော်တွေး နိုင်တဲ့ အတွက်ပါ။ ထိုအရာ ဆိုတာကတော့ ကျနော်တို့  ချိုးဖောက်ခံထား ရတဲ့ အခွင့်အရေး တွေ အတွက်ပါ။ အုပ်ချုပ်သူ ဆိုသူရဲ့  မျက်နှာကို လက်ညိုးနဲ့ တဲ့တဲ့ ထိုးပြီး “ခင်ဗျား တလွဲတွေလုပ် မနေနဲ့ ” လို့ ပြောနိုင်ဖို့  အတွက်ပါ။

တိုင်းပြည်ခေတ်မီဖွံ့ဖြိုးတိုးတက်အောင် ဆိုလျှင်မူ ကျွန်တော်တို့ အဓိကတိုက်ထုတ်ရမည်မှာ စီးပွားရေးပိတ်ဆို့မှုပင်ဖြစ်ပါသည်။

စီပွားရေးပိတ်ဆို့ မှု ဆိုတာ ကို တိုက်ထုတ်ဖို့ အင်မတန်မှ အရေးကြီးပါတယ်။ ဒါပေမဲ့ စီးပွားရေး လုပ်တဲ့ သူတွေဆိုတာ ပိုက်ဆံလိုချင်လို့ လုပ်တယ်ဆိုတဲ့ အချက်ကို တော့ မေ့ထားလို့ မရပါဘူး။ ကျနော်တို့  ပြည်တွင်း စီးပွားရေးလုပ်ငန်းတွေရဲ့  စီးဆင်းမှု ချောမွေ့  နေတယ် ဆိုရင် ဘယ်သူတားတား လုပ်တဲ့လူက လုပ်မှာပဲ။ သူတို့ နိုင်ငံတွေ မှာကလဲ အစိုးရအမိန့် နဲ့ တားထားတာကို ချိုးဖောက်လို့  နှစ်ရှည်ထောင်ချလို့ မှ မရပဲ။ မတော် ဒဏ်ငွေရိုက်ရုံပေါ့။ အဲဒီ ဒဏ်ငွေဆိုတာလဲ ကျနော်တို့ တိုင်းပြည်ကို လာလုပ်လို့  ရတဲ့ အမြတ်အစွန်း နဲ့ ဖာထေးနိုင်ရင် ဘယ်သူမဆိုလာလုပ်ကြမှာပါပဲ။ လက်ရှိလဲ စည်းပွားရေး အရ တွက်ချေကိုက်နေတဲ့ အနောက်ကုမ္မဏီတွေ ရှိနေတုန်းပါပဲ။ ပြင်ပစီးပွား ရေးပိတ်စို့ မှု ကို မတိုက်ခင် ပြည်တွင်း စီးပွားရေး ကန့် သတ်ချက်တွေကို အရင် တိုက်ထုတ်ဖို့ အရးကြီးမယ်လို့  ထင်ပါတယ်။ ဥပမာ။ ။ ဆန် ကို နယ်ကူးသယ်လို့ မရတာမျိုး၊ ကားပါမစ်တွေကို ထိန်းချုပ်ထား တာမျိုးတွေပါ။ စစ်အုပ်စု အနေနဲ့  ကြိုးနီစနစ်နဲ့  လိုရာဆွဲ စီးပွားရေး ဥပဒေတွေ ကို သာ ရပ်နိုင်ရင် အစိုးရတွေ အနေနဲ့  ကျနော်တို့ နိုင်ငံအပေါ် စီးပွားရေး ဘယ်လောက်ပိတ်ဆို့  ပိတ်ဆို့  လုပ်ငန်းရှင်ဆိုတဲ့ လူတွေကတော့ ဝင်လာမဆဲ တသဲသဲနေပါလိမ့်မယ်။

လုံလောက်ကျေနပ်နိုင်မယ် လို့ ထင်ပါတယ်။ နောက်အခါတွေတော့ ဒီလိုထပ်ဖြေ နိုင်မယ် မထင်တော့ ဘူး။ မေးစရာရှိရင်တော့ မေးထားပါ။ အားတဲ့အခါ ကိုမျိုးမြန်မာ သိချင်တာတွေ ကို ခြုံငုံနိုင်မဲ့ ဆောင်းပါး ရေး ဖို့ ကြိုးစားပေးပါ့မယ်။

မိုးထက်နေ

2 ခုရှိတယ်(မိတ်ဆွေတွေရဲ့အယူအဆ):

putoo said...

I like ur answer all.. Perfect..

w.w billy said...

i thought that guy(Myo Myanmar=SPDC's bug)forget him,we got no time,leave them alone,they wrote their story,we got our own,cheer up.