တောဆင်ခမည်း

ကျနော်တို့  လူမျိုးတွေမှာ ထုံးစံတစ်ခုရှိတယ်။ ဘာလဲဆိုတော့ ကလေးငယ်တွေကို ကျန်းမာရေးကောင်းအောင် ဆိုပြီး မိဘမဟုတ်တဲ့ အကြီးအကဲတွေကနေ (အဘိုး၊ ဘုန်းတော်ကြီး ) ပြီး အဆောင်သဘော လက်ဖွဲသဘော လက်ဆောင်ပေးတတ်တယ်။ ချည်ဆွဲကြိုးလေး လိုမျိုး၊ တရိစ္ဆာန် (ကျေးလက်တွေမှာတော့ ကြက်ပေါက်ကလေး ပေးလေ့ ရှိတယ်) လေးတွေ မွေးဖို့  ပေးတဲ့ အလေ့ရှိတယ်။ တက်နိုင်တဲ့သူတွေ ကလဲ ရွှေနဲ့ လုပ်ထားတဲ့ ဆွဲကြိုးကလေး၊ လက်စွပ်ကလေး ပေးလေ့ရှိတယ်။ အမှန်တော့ ကလေးငယ်တွေ ကို အသိအမှတ် ပြုလက်ဆောင်ပေးတဲ့ သဘောပါပဲ။ ကျေးလက်ထုံးစံ အတိုင်း ခမည်းပေးတဲ့ နေရာ မှာလဲ ချစ်စရာ အပြိုင်အဆိုင်လုပ်လေ့ရှိပါတယ်။ ကပ်စီးလဲနည်း ကိုယ်ပေးတဲ့ ခမည်းဟာ လည်း တန်ဖိုးကြီးတာဖြစ်စေ့ချင်တဲ့ လူတွေကို အကြောင်းပြုပြီး မဖြစ်နိုင်တဲ့ ကြီးကြီးမားမား ကတိတွေ ပေးတတ်သူတွေ ကို တောဆင်ခမည်း ပေးတယ်လို့ ပြောလေ့ ရှိတယ်။ ဆိုလိုတာက တောထဲက ဆင်ရိုင်းကို ခမည်းအနေနဲ့ ပေးလိုက်တယ်။ လိုချင်ရင်တော့ ကိုယ့်ဟာကို ဖမ်းယူပေါ့ ။

ခုလည်း စစ်အုပ်စုက ရုပ်တည်ကြီးနဲ့ ကြေငြာချက်တစ်ခုထုတ်လိုက်ပြန်ပါပြီ။ အဓိက ကတော့ လာမဲ့ မေလမှာ ဖွဲစည်းပုံခြေခံ ဥပဒေအပေါ် လူထုဆန္ဒခံယူပွဲ လုပ်မယ်ဆိုတဲ့ အကြောင်းနဲ့ ၊ ၂၀၁၀ ခုနှစ်မှာ ရွေးကောင်ပွဲကျင်းပပြီး အာဏာစွန့် မယ် ဆိုတဲ့ အချက်နှစ်ခုပါပဲ။ ဆိုင်းမဆင့်၊ ဗုံမဆင့် ဘာကြောင့် ဒီလိုကြေငြာချက်တွေ ထုတ်ပြန်သလဲ ဆိုတာကိုချည်းကပ်ကြည့်တဲ့ အခါ အံ့သြဖွယ်ရာ ကောက်ကျစ်မှုတွေ ကိုတွေ့ ရမှာဖြစ်ပါတယ်။

နိုင်ငံတကာ ဖိအားလျော့ကျရေး
စစ်အုပ်စုဟာ နိုင်ငံတကာဟာ မြန်မာနိုင်ငံရဲ့ ပြည်တွင်းရေးကို ဝင်ရောက်စွက်ဖက်တယ်၊ လက်နက်ကိုင် ဝင်ရောက်ဖို့ ကြိုးစားနေတယ် ဆိုတဲ့ နိုင်ငံတကားအပေါ် ဝါဒဖြန့် တိုက်ခိုက်နေ ပေမဲ့ လက်တွေမှာ နိုင်ငံတကာရဲ့ ရပ်တည်မဲ့ ပုံစံကို အတိအကျ သဘောပေါက်ထားပြီးဖြစ် ပါတယ်။ စီးပွာရေး ကျဆင်းမှုအခြေအနေအရ နိုင်ငံတကာ အနေနဲ့ စစ်ရေးအရ အရေးယူဖို့  လက်ရှိအနေအထားမှာ လုံးဝ မဖြစ်နိုင် ကြောင်း သဘောပေါက်ထားပါတယ်။ စီပွားရေးပိတ်စို့  ခြင်း ၊ ပြည်ဝင်ခွင့် မပြုခြင်း စတဲ့ ဖိအားမျိုးသာ လုပ်ကိုင်ဖို့ ရှိတယ် ဆိုတာကို သိထားပါတယ်။ နိုင်ငံတကာရဲ့ ရပ်တည်ချက်ကလဲ အာဏာလွဲပြောင်းရေးကိုသာ ဇောင်းပေးတိုက်တွန်းနေတာ ဖြစ်ပြီး ၊ တဖက်ကကြည့်ရင် ဖွဲစည်းပုံရဲ့ အရေအသွေး ၊ တရားမျှတခြင်း ရှိမရှိ စတဲ့ အချက်တွေ ကို စိတ်ဝင်စာမှု မရှိဘူးလို့ ပြောလို့ ရပါတယ်။ နိုင်ငံတကာရဲ့ နောက်ထပ်တောင်း ဆို ချက်တစ်ခုက အချိန်အတိအကျ သတ်မှတ်ပြီးလုပ်ဆောင်ရေး ပဲဖြစ်ပါတယ်။ ဒါကြောင့် RM ကို အချိန်အနား သတ်ပေးလိုက် တာဖြစ်ပါတယ်။

ဒါဟာဂမ်ဘာရီ ကို ဗီဇာချမပေးတဲ့ အကြောင်းတစ်ရပ်လဲ ဖြစ်ပါတယ်။ ကျနော့ တွက်ချက်မှု မလွဲရင် ဂမ်ဘာရီ ကို ၅ လပိုင်းကျော်သည် အထိအကြောင်းပြချက် အမျိုးမျိုးနဲ့  လှည့်ပတ်အချိန် ဆွဲနေဦးမှာ ဖြစ်ပါတယ်။ ဂမ်ဘာရီ ကို ပြည်ဝင်ခံတဲ့ အချိန်ဟာ ၂၀၀၇ ခုနှစ် စစ်တင်ဘာမှာ ဖမ်းစည်းထားတဲ့ နိုင်ငံရေး အကျဉ်းသား အားလုံးကို နိုင်ငံရေးပုဒ်မ မဟုတ်တဲ့ တခြား ပေါက်ကရ ပုဒ်မတွေ နဲ့  စီရင်ချက်ချပြီးချိန်၊ ဖွဲစည်းပုံ ကိုပြည်သူလူထုက လက်ခံကြောင်း၊ ၂၀၁၀ ရွေးကောက်ပွဲကို လူထုက လက်ခံကြောင်း ပြနိုင်တဲ့ အချိန်ရောက်မှ ဂမ်ဘာရီကို ပြည်ဝင်ခွင့် ပေးမယ်လို့  ထင်ပါတယ်။

သင်ပုန်းချေရေး
စစ်အုပ်စု အနေနဲ့ နှစ်ပေါင်း ၂၀ ကျော် တိုင်းရင်းသားပြည်သူလူထုအပေါ်မှာ၊ နိုင်ငံရေး ခေါင်းဆောင်တွေ အပေါ်မှာ ကျူးလွန်ခဲ့တဲ့ ပစ်မှုတွေ အများကြီးရှိပါတယ်။ ဒီမိုကရေစီ စနစ်ကို တကယ်ကူပြောင်းတဲ့ အခါမှာ စစ်အုပ်စုအထက်ပိုင်းခေါင်းဆောင်တွေ အနေနဲ့ ဒီအမှုတွေကို တရားဆိုင် ရဖို့ ရှိပါတယ်။ ဒီကိစ္စတွေ ကိုရှောင်တိမ်းဖို့ ရာက လက်သိပ်ထို အာဏာလွဲပြောင်း ရေး နည်းလမ်းတစ်ခုထဲသား ရှိတဲ့ အတွက်ကြောင့် RM ကို ကသုတ်ကရက် အကောင် အထည် ဖော်ဖို့  ကြိုးစား တာဖြစ်ပါတယ်။ ဒါမှသာ စစ်အုပ်စု အနေနဲ့  လွတ်တော်ရဲ့  ၂၅% ကို ထိန်းချုပ်ထားနိုင်မှာ ဖြစ်ပါတယ်။ ဒါအပြင် ၁၉၉၀ ရွေးကောင်ပွဲ ရလာဒ်ကို တရားဝင် ကြေငြာခြင်း မရှိပဲ ကလိန်ကကျစ် ဖျက်သိမ်းလိုတဲ့ ဆန္ဒကိုလဲ တွေ့ ရပါတယ်။ မေလ ဆန္ဒခံယူပွဲ နဲ့  RM ကို ရှေ့  ဆက်ဖို့  အတည်ပြုလိုက်တာနဲ့  တပြိုင်ထဲ ဒေါ်အောင်ဆန်းစုကြည် နဲ့  တွေ့  ဆုံးဆွေးနွေးရေး ဆိုတဲ့ ဇာတ်မျောကိုလဲ အလိုလို ပြည်ဖုံးကား ချပြီးသား ဖြစ်ပါ လိမ့်မယ်။

၁၉၇၄ ၊ ၁၉၉၀ နောက် ၂၀၁၀
၁၉၇၄ တော်လှန်ရေးကောင်စီကနေ မြန်မာဆိုရှယ်လစ်လမ်းစဉ်ပါတီ အသွင်နဲ့ မဲ တစ်ပုံး ထဲသား ရှိတဲ့ ရွေးကောက်ပွဲကို ရုပ်တည်ကြီးနဲ့ ကျင်းပခဲ့ပါတယ်။ စစ်ဦးစီးချုပ် ဗိုလ်ချုပ်နေဝင်း ကနေ ပါတီခေါင်းဆောင်ကြီး ဦးနေဝင်း ထံအာဏာလွှဲပြောင်းပေးခဲ့ပါတယ်။ ဗိုလ်နေဝင်း ဦးဆောင်တဲ့ စစ်အုပ်စုရဲ့ မျက်လှည့်ပြပွဲကို ကျနော်တို့  ၂၆ နှစ်တိတိကြည့်ခဲ့ရ ပြီးဖြစ်တယ်။ ဗိုလ်စောမောင် ခေါင်းဆောင်တဲ့ စစ်အုပ်စုဟာလဲ ၁၉၉၀ မှာ မဆလ ကနေ အသွင်ပြောင်းယူ ထားတဲ့ တစည ပါတီအားကိုးနဲ့  ၁၉၉၀မှာ နောက်တစ်ကြိမ်ရွေးကောက်ပွဲ ကျင်းပပေးခဲ့ပါ တယ်။ ဒါပေမဲ့ လက်တွေ့ မှာ NLD ပါတီကို အပြတ်အသတ်ရှုံးနိမ့်သွားတဲ့ အတွက် မျက်နှာပြောင်တိုက်ပြီး လွတ်တော်ခေါ်ယူရေးကို ရူးချင်ဟန်ဆောင်ခဲ့ပြန်ပါတယ်။ အဲဒီမျက်လှည့်ပွဲ ဟာလဲ နှစ်ပေါင်း ၂၀ နီးပါကြာခဲ့ပါတယ်။ အခုတခါ ရွေးကောက်ပွဲကို ၂၀၁၀ မှာ ကျင်းပပေးမယ် ဆိုတဲ့ ကတိကို ချပြလိုက်ပြန်ပါပြီ။

ဗိုလ်နေဝင်း လိုလဲ ဗိုလ်ဦး မျက်လှည့်ပြ လို့  မရ။ ၁၉၉၀ ရွေးကောက်ပွဲလိုလဲ ပါတီတစ်ခုကို အားကိုးလို့ မရ ဆိုတာသဘောပေါက်တဲ့ စစ်အုပ်စုဟာ ဒီတစ်ခါမှာတော့ ကြံ့ ဖွတ် ကိုပွဲထုတ် မယ်လို့ ထင်ပါတယ်။ တစ်လျှောက်လုံး NGO ပါလို့ ရုပ်ပြထားတဲ့ ၄င်းတို့ ရဲ့ လက်ကိုင်တုတ် အဖွဲ အစည်းကို နိုင်ငံရေးအဖွဲ့ အသွင်ပြောင်းပြီး ရွေးကောက်ပွဲဝင်ဖို့ ကြိုးစားပါလိမ့်ဦးမယ်။ ဒါပေမဲ့ ဒီတစ်ခါတော့ ၁၉၉၀ ရွေးကောက်ပွဲ အတွေ့ အကြုံအရ အခြားအတိုက်အခံ အဖွဲ အစည်းတွေ ကို လွတ်လပ်စွာ စည်းရုံးခွင့် ၊ မဲဆွယ်ခွင့်ပေးမယ်မထင်ပါဘူး။ တကယ်ရွေး ကောက်ပွဲ ကျင်းပဖို့  အချိန်ကပ်လာခါမှ နာမည်ကောင်းယူပြီး အထိန်းသိမ်းခံများကို ပြန်လွတ် ပေးပါလိမ့်မယ်။ တကယ်လို့  ဒီလိုကောက်ကျစ်မှု အမျိုးမျိုးကို ကျော်လွှားပြီး အတိုက်အခံတွေ အာဏာရခဲ့တယ် ဆိုရင်လဲ စစ်အုပ်စုဟာ ၄င်းတို့ လမ်းကြောင်းကို ၁၉၉၀ ကနေ ပြန်စပါလိမ့် ဦးမယ်။ နောက်တချက်က ၁၉၉၀ တုန်းက စစ်အုပ်စုဟာ ၄င်းတို့ ရဲ့ ဒေါက်တိုင်တွေကို ဒီနေ့  အချိန်လောက်ထိ မမွေးမြူနိုင်သေးပါဘူး။ အခုအချိန်မှာတော့ စစ်အုပ်စုမှာ ဒေါက်တိုင် တော်တော် များများရှိနေယုံသာ မက စစ်အုပ်စု ပိုင် လွတ်တော်နေရာ ၂၅% နှုန်းနဲ့  ပေါင်းဖို့  ကြံဖွတ် အတွက်နေရာ ၃၀% နှုန်းလောက်ကို ယုတ်မာမှုအမျိုးမျိုးသုံး ပြီးဖန်တီး နိုင်ဖို့ ၁၉၉၀ ကလောက် မခဲရင်းတော့ပါဘူး ။ ဒါဟာ လူထုရွေးချယ်တင်မြောက်မှု အမည်ခံထားတဲ့ စစ်အုပ်စုလက်အောက်မှာ ဆက် နေရဦးမယ် ဆိုတဲ့ အဓိပ္ပါယ်သာဖြစ်ပါတယ်။ စစ်အုပ်စုဟာ မျက်လှည့်ပွဲ အတွက် ဗုံကလေး နဲ့  လင်ကွင်းလေး တီးကာ တီးကာ အချက်ပေးနေပြီဆိုတာ အားလုံး သတိရှိဖို့ လိုပါတယ်။

ဆန္ဒလုယူပွဲ
စစ်အုပ်စုဟာ ဆန္ဒခံယူပွဲ ကျင်းပပေးမယ်လို့ တရားဝင်ကြေငြာချက်ထုတ်ခဲ့ပါတယ်။ ပြည်သူလူ ထုအနေ နဲ့  ဆန္ဒခံယူပွဲ မှာ ဖွဲ့ စည်းပုံအခြေခံကို အတည်ပြုရမှာ ဖြစ်ပါတယ်။ ပြည်သူလူထုရဲ့  အတည်ပြုမှုကို ရရှိပြီးမှသာ ရွေးကောက်ပွဲကို ဆက်လက်ကျင်းပဖို့ စီစဉ်ရမှာဖြစ်ပါတယ်။ အခုနောက် ထပ်ကြေငြာချက်တစ်ဆောင် အရ ၂၀၁၀ မှာ ရွေးကောက်ပွဲ ကျင်ပမှာ ဖြစ်တဲ့ အကြောင်းကြေငြာလိုက်တဲ့ အတွက် ပြည်သူလူထုဟာ ဖွဲစည်းပုံအခြေခံဥပဒေကို သဘောတူ ကိုတူရမှာ ဖြစ်တယ်ဆိုတဲ့ အဓိပ္ပါယ် သက်ရောက်စေပါတယ်။ ဆန္ဒခံယူပွဲ ဆိုတာထက် ဆန္ဒလု ယူပွဲသာဖြစ်ပါတယ်။ အချို့ အတိုက်အခံတွေက ဆန္ဒခံယူပွဲ အဖြေကိုစောင့်ကြည့်ဖို့ လိုတဲ့ ဆိုတဲ့ သဘောထားရှိတာကို ကြားရပါတယ်။ အမှန်တော့ ၂၀၁၀ မှာရွေးကောက်ပွဲကျင်းပပေး မယ်ဆို တဲ့ ကြေငြာချက်မှာ မေလ ဆန္ဒခံယူပွဲရဲ့  အဖြေဟာ တစ်ခါထဲ ပါပြီးဖြစ်ပါတယ်။ ဒါကြောင့် ကျနော်တို့  အနေနဲ့  ဆန္ဒခံယူပွဲ တစ်ခုအနေနဲ့  မမြင်ပဲ ဆန္ဒလုယူပွဲ တစ်ခု အနေနဲ့  အမြင်ရှင်းနေဖို့  လိုပါတယ်။ အခုအချိန်မှာ အတိုက်အခံနိုင်ငံရေး သမားတွေ နဲ့  ပြည်သူ တစ်ရပ်လုံးဟာ စစ်အုပ်စုရဲ့  သွေးရူးသွေးတန်း ထိုးတင်လာတဲ့ RM ကို ပြတ်ပြတ်သားသား ငြင်းဆန်ဖို့  လိုပါလိမ့်မယ်။ ဒါမှမဟုတ်ရင်တော့ ကျနော်တို့ အားလုံး နောက်တစ်ခါ လိမ်လည် တာ ကို လက်ပိုက်ကြည့်နေရဦးမှာဖြစ်တယ်။

အားစမ်းပွဲ

စစ်အုပ်စုဟာ မေလဆိုတဲ့ အချိန်အတိုင်းအတာ တစ်ခုကန့် သတ်ပြီး တိုက်ပွဲခေါ်ယူလိုက်တာ လဲဖြစ်တယ်။ ပြည်သူဟာ မေလမတိုင်ခင် RMကို ပြတ်သားတဲ့ ငြင်းဆန်မှုတွေ လုပ်မလာနိုင် ဘူး ဆိုပြီးတော့လဲတွက်ချက်တယ်။ ဘာကြောင့်မေ လကို ရွေးချယ်လဲလို့ တွက်ချက်ကြည့် တဲ့ အခါ မေလဟာ သင်္ကြန်ပြီးကာစ အချိန်ဖြစ်တယ်။ လူငယ်အများစုဟာ သင်္ကြန်ကို စမြုံပြန်ရင် ၊ သင်္ကြန်လက်ပမ်းကြမှုတွေကို ကုစားရင်း၊ သင်္ကြန်ပြဿနာတွေ ကိုဖြေရှင်းရင်း ပုံမှန်ဖြတ်သန်း နေကြဖြစ်တယ်။ နောက်တစ်ခုက မြန်မာပြည်ရဲ့ နေရာတိုင်းမှာ အပူလွန်နေတဲ့ အချိန်အခါ ဖြစ်တယ်။ သဘာဝ အခြေအနေကိုက လူထုတိုက်ပွဲကို တားမြစ်ထားတဲ့ ပုံစံမျိုးရှိနေတယ်။ ရွေးကောက်ပွဲတကယ်လုပ်တာ မလုပ်တာထက်၊ တရားမျှတမှု ရှိတာမရှိတာထက် ဖွဲစည်းပုံကို လူထုက သဘောတူထားတယ် ၊ ရွေးကောက်ပွဲလုပ်မယ် ဆိုတဲ့ ကတိတရားဝင်ပေးထားတယ် ဆိုရင် နိုင်ငံတကာ အနေနဲ့  အခုလောက်ဖိအားပေးမယ် မဟုတ်ဘူးလို့ လဲ တွက်ချက်မှုတွေ ရှိ နိုင်တယ်။ လူထုသဘောတူညီမှု ရထားပါတယ် ဆိုတဲ့ RM ကိုနိုင်ငံတကာ အစိုးရတွေ အနေနဲ့  ဝင်ရောက်စွက်ဖက်ဖို့  အခက်အခဲ ရှိနိုင်တယ်။

မှတ်ကျောက်
စစ်အုပ်စု ဟာ ကတိပေးဖို့ ဆုံးဖြတ်ချက် ချတာနဲ့ အတူ ၄င်းကတိကို ဖောက်ဖျက်ဖို့ ပြင်ဆင် ထား တယ်ဆိုတာကို နှစ် ၂၀ အတွေ့ အကြုံအရအားလုံးသိရှိထားပြီးဖြစ်တယ်။ စစ်အုပ်စု အနေ နဲ့  ၄င်းတို့ ရဲ့  ကတိစကား ကိုလေးနက်စေဖို့  အတိုက်အခံ နိုင်ငံရေးသမားအားလုံး ကို ချွင်းချက်မရှိ လွတ်ပေးဖို့ လိုပါတယ်။ အတိုက်အခံ တွေရဲ့ RM ပေါ်သဘောထားကို ပြည်သူလူထု ထံလွတ်လွတ်လပ်လပ်တင်ပြခွင့်ပေးဖို့ လိုပါတယ်။ ဒါ့အပြင် ၂၀၀၈ မေလ ကနေ ၂၀၁၀ အထိ နှစ်နှစ်တာ ကာလကို ပါတီအသီးသီးရဲ့ စည်းရုံးရေးကာလ အဖြစ်အသုံးချခွင့် ပေးဖို့ လဲ လိုပါတယ်။ ဒါ့အပြင် ၁၉၉၀ ရွေးကောက်ပွဲ နဲ့ ပတ်သက်တဲ့ စစ်အုပ်စုရဲ့  သဘောထားနဲ့  ဘာကြောင့် ရွေးကောက်ပွဲ အသစ်ကျင်းပရတယ် ဆိုတဲ့ အကြောင်း ပြည်သူလူထု နဲ့  နိုင်ငံတကာကို ထုတ်ဖော်ပြောကြားဖို့ လိုပါတယ်။ စစ်အုပ်စုရဲ့ လူထုဆန္ဒ ခံယူပွဲ နဲ့  ရွေးကောက်ပွဲ ကို အထက်ပါစံတွေ နဲ့  အကြိုမှတ်ကျောက်တင်ကြည့်ဖို့ လိုပါလိမ့် မယ်။ ဒီမှတ်ကျောက်တွေ မှ အတင်မခံနိုင်ဘူးဆိုရင်တော့ RM ကို တညီတညွတ်ထဲ ဆန့်  ကျင်ဖို့  နှိုးဆော်လိုက်ရပါ တယ်။

စစ်အုပ်စုကတော့ အာဏာလက်မလွတ်ရေး မျှော်လင့်ချက်တွေ ၊ တွက်ချက်မှုတွေ အပြည့်အသိပ်နဲ့  တောဆင်တစ်ကောင် ခမည်းပေးလိုက်ပြန်ပါပြီ။ ဆင်တစ်ကောင်ပိုင် ရတော့မယ် ဆိုတဲ့ ကလေးငယ် တစ်ယောက်ရဲ့  ရိုးသားတဲ့ မျှော်လင့်မှုမျိုး နဲ့ ကျေနပ် ကြမလား။ ဒါမှမဟုတ်လိမ်လည် ယုတ်မာမှု တစ်ခုအဖြစ် အမှန်တိုင်းမြင်ပြီး စစ်အုပ်စုရဲ့  စိန်ခေါ်သံကို လက်ခံ တုံ့ ပြန်ကြမလားဆိုတဲ့ အမေးကို ကျနော်တို့  အားလုံး ချက်ချင်း အဖြေပေးဖို့  လိုနေပါပြီ။

မိုးထက်နေ