ပြည်တွင်း ဘလော့ဂါ ၊ ပြည်ပမီဒီယာ နှင့် လက်ရှိ အခြေအနေ

ကျွန်တော်တို့ အခုတလော ဘာမှ မဖြစ်သလိုသာ နေ နေကြတာပါ။ ဘာဖြစ်နေလဲဆိုတာကို အားလုံးသိကြမှာပါ။ ကျွန်တော့်အနေနဲ့ ကျွန်တော့်ရဲ့ သဘောထားကိုပြောဖို့ အများကြီး စဉ်းစားခဲ့ပါတယ်။ ဒါပေမယ့် ဖွသလို ဖြစ်မှာစိုးလို့ မပြောခဲ့ပါဘူး။ ဒါပေမယ့် ပြောဖို့ လိုမယ်ထင်လို့ ပြောပါရစေ။

ပထမဆုံး ပြောချင်တာကတော့ ပြည်တွင်း ဘလော့ဂါတွေပါ။ ဘလော့ဂါတွေ ဘာကြောင့် ဘလော့ဂ်ရေးကြသလဲဆိုတာ တစ်ယောက်နဲ့ လွတ်လပ်စွာ အမြင် ကွဲလွဲနိုင်ပါတယ်။ ကျွန်တော်ကတော့နိုင်ငံရေးတို့၊ ကျွန်မကတော့ လူမှုရေးတို့၊ ကျုပ်တို့ကနည်းပညာအကြောင်းတို့၊ ငါကတော့ကိုယ်ရေးကိုယ်တာတို့ ကြိုက်သလိုသာပြောပါ။ ပြောလို့ရပါတယ်။ ဒါပေမယ့် သေချာတာကတော့ ကိုယ်ရေးချင်တာကို ကိုယ်ရေးတာပါ။ ဘယ်သူရဲ့ လွှမ်းမိုးမှု၊ လောင်းရိပ်ကိုမှ မခံချင်လို့ လွတ်လပ်တဲ့ ဘလော့ဂ်ကို ရေးနေကြတာပါ။


ဘလော့ဂ်နဲ့ ပတ်သတ်လို့ကတော့ ဘယ်သူ ဘာပြောပြော ကျွန်တော်လည်း ကျွန်တော်ရေးချင်တာကို ရေးတာပါ။ ပြည်တွင်းဘလော့ဂါတွေမှာ နိုင်ငံရေးရယ်လို့ ပီပီပြင်ပြင် ရေးနေတဲ့သူ ကျွန်တော်လည်း မတွေ့မိပါဘူး။ အမှန်အတိုင်း ပြောရရင်တော့ အပြင်မှာတော့ ပြောချင်ပြောကြမှာပေါ့။ ဒါကတော့ လဘက်ရည်ဆိုင်ထိုင်ရင်းလည်း ပြောနေကြတာပဲဆိုတော့ မထူးဆန်းပါဘူး။ ဒါပေမယ့် ငါတို့ ဘလော့ဂါတွေကို ဒီလို လုပ်လိုက်ရင် ဒီလို လုပ်ကြမယ်ဆိုတာ ဘယ်သူတွေဆီက ဘယ်လို လာတဲ့ စကားလဲဆိုတာ မေးခွန်း အများကြီး ထုတ်ဖို့ရှိပါတယ်။ အခု ပြည်ပမီဒီယာတွေမှာ ဘလော့ဂါတွေက ပြောသလိုလိုနဲ့ တက်နေတဲ့ သတင်းတွေကို ပြောစရာရှိပါတယ်။ ကိုနေဘုန်းလတ်ကို ဘလော့ဂ်လုပ်လို့ အဖမ်းခံရသလို ပြောနေကြပါတယ်။ ဘာလို့ နိုင်ငံရေးနဲ့ဘလော့ဂ်ကို အတင်းရောထွေးအောင် လုပ်နေရတာလဲ။

ပြည်ပ မီဒီယာတွေကို အမှန်အတိုင်းပြောရရင် ကျွန်တော် အပါအ၀င် လူအတော်များများက မရမက ၀င်ဖတ်ကြပြီး သတင်းတွေ ဖတ်ကြပါတယ်။ ကျွန်တော်ကိုယ်တိုင် မိုးလုံးပြည့်မုသာဝါဒီဆိုတာကို မနေ့တနေ့က အထိ ဟာသလို သဘောထားခဲ့တာပါ။ ဒါပေမယ့် အခုအချိန်မှာ ကျွန်တော် ဘယ်မီဒီယာကို အပြည့်အ၀ ယုံကြည်ပါသလဲဆိုရင် ဘယ်မီဒီယာကိုမှ မယုံကြည်ပါဘူး။ ယုံကြည်လောက်စရာ၊ စိတ်ချလောက်စရာ မီဒီယာကို ဘယ်မှာမှ မတွေ့နိုင်ပါဘူး။ ကျွန်တော်ဆိုလိုတာက ပြည်တွင်း ပြည်ပ အားလုံးကို ဆိုလိုတာပါ။ ဘယ်သူ ဘယ်ဝါ ပြောစရာ မလိုလောက်အောင်ကို အားလုံးလိုလိုဟာ ၀ါဒမှိုင်းတွေ တိုက်နေကြတာပါ။ လောလောဆယ် သတင်း မီဒီယာနဲ့ မပတ်သတ်ပဲ အရင်တစ်ချိန်တုန်းက ပတ်သတ်ခဲ့ဘူးတဲ့သူတွေက အစ သတင်းတစ်ခုကို သတင်းအတိုင်းမဟုတ်ပဲ ကိုယ်တစ်ယောက်တည်း ဒါမှမဟုတ် ကိုယ့်ကို ထောက်ပံ့သူတွေရဲ့ ဖြစ်စေချင်တဲ့ ရည်ရွယ်ချက်ကို အထောက်အကူဖြစ်အောင် ရေးနေကြတာ အထင်အရှားပါ။

ကိုနေဘုန်းလတ်ဟာ ဘာအကြောင်းနဲ့ အထိန်းသိမ်းခံထားရတယ်ဆိုတာ ဘယ်သူမှ အတိအကျ မသိသေးခင်မှာ ဘလော့ဂ်ကြောင့်လို့ ဘာကြောင့် စွပ်စွဲနေကြတာလဲ။ ပြည်တွင်းက ဘလော့ဂါတွေကို အနေအစားကျပ်အောင် လုပ်နေကြတာလား။ ပြည်တွင်းဘလော့ဂါတွေ အသစ်အသစ် ထွက်မလာရဲအောင် လုပ်နေကြတာလား။ ရှိပြီးသား ဘလော့ဂါတွေ ဆက်မလုပ်ရဲအောင် လုပ်နေတာလား။ အကြောင်းအရာတွေကို ရောထွေးသွားအောင် မလုပ်ကြပါနဲ့။ ခင်ဗျားတို့လို ဟိုအဝေးကနေ ဘေးတီးနေတဲ့သူတွေကြောင့် ဘာအကြောင်းမှ ထူးပြီး ကောင်းလာစရာမရှိဘူး။ အကျိုးယုတ်ဖို့ပဲ ရှိတယ်။

တစ်ယောက်တစ်ပေါက် ၀ိုင်းပြောလို့ အထဲကလူ ပိုဆိုးသွားရင် ၊ အပြင်ကလူတွေ ထပ်ပြီး ဒုက္ခများသွားရင် ခင်ဗျားတို့ ပယောဂ ကင်းတယ်လို့ မထင်နဲ့။ အဲဒီလောက်မှ မစဉ်းစားတတ်ရင် ဒီအလုပ်တွေကို ဆက်မလုပ်နဲ့။ ကိုယ်လုပ်တဲ့ အလုပ်က တစ်ဘက်သားကို စေတနာနဲ့ ကောင်းစေချင်တာလား။ အပြစ်လွတ်လား။ ကိုယ်နာမည်ကြီးဖို့ပဲလား။ သေချာစဉ်းစား။

လက်ရှိအခြေအနေမှာ ပြည်တွင်းက အချို့ဘလော့ဂါတွေ ဘယ်သူတွေရဲ့ မှိုင်းမိနေသလဲ။

လက်ရှိအခြေအနေမှာ ပြည်ပက အချို့သောမီဒီယာတွေ ဘယ်လမ်းကြောင်းကို မောင်းသွင်းနေသလဲ။

လက်ရှိအခြေအနေမှာ ဘာလုပ်သင့်သလဲ။ ဒါမှမဟုတ် ဘာမလုပ်သင့်ဘူးလဲ။

ပြည်ပမီဒီယာတွေကတော့ အော်နေဦးမှာပဲ။ ဟုတ်တယ်မို့လား။ ခင်ဗျားတို့လည်း ဖတ်ရင်းသေချာ စဉ်းစား။ ခင်ဗျားတို့ ထမင်းတစ်လုပ်စားရဖို့အရေး ဘလော့ဂ်တွေ၊ ဘလော့ဂါတွေကို လာပြီး အသုံးမချနဲ့။ လက်ရှိတွေကလည်း ဘလော့ဂ်ကို အသုံးချ၊ အတိုက်အခံတွေကလည်း ဘလော့ဂ်ကို အသုံးချနဲ့ ဘလော့ဂ်တွေလည်း စစ်မြေပြင်လုံးလုံးဖြစ်နေပြီ။ နောက်ဆုံးတော့ ဘယ်သူမှ အယုံအကြည်ခံရလိမ့်မယ် မထင်နဲ့။ ဘယ်ဘက်ကိုမှ လေးစားစရာ မမြင်တော့ဘူး။

လက်ရှိအချိန်မှာ ဘယ်သူ ကောင်းသလဲ၊ မကောင်းဘူးလဲဆိုတာ ပြောစရာ မလိုလောက်အောင်ကို ရှင်းပြီးသားပါ။ ဘယ်သူတွေ ဘယ်လောက်ထိ အောက်တန်းကျ မိုက်ရိုင်းတယ်ဆိုတာ တစ်ကမ္ဘာလုံး သိပြီးသားပါ။ အဲဒါကို ခင်ဗျားတို့ ကျုပ်တို့က ပါးပါးနပ်နပ်မရှိပဲ ကလေးအတွေးတွေနဲ့ လုပ်တဲ့သူကလုပ်၊ ငါတို့အတွက် ခွင်ဝင်ပဟဲ့ဆိုပြီး ဖွတဲ့သူက ဖွ လုပ်နေလို့ကတော့ ခင်ဗျားတို့ ကျုပ်တို့ ဖြစ်ချင်တာတွေ၊ ဖြစ်သင့်တာလို့ ထင်တာတွေနဲ့ အဝေးကြီး ဝေးနေဦးမှာပဲ။

ကြိုပြောထားရရင် ကျွန်တော့်ကို ဘယ်သူ့ဘက်က ဘယ်ဝါ့ဘက်က လာမပြောနဲ့။ ဘယ်ဘက်ကမှ မဟုတ်ဘူး။ ကျွန်တော်သည် ကျွန်တော် မှန်တယ်ထင်တဲ့ဘက်ကနေမှာပဲ။ ဘယ်သူ့ လောင်းရိပ်အောက်မှာမှ နေမှာ မဟုတ်ဘူး။ ဘယ်အဖွဲ့အစည်းကိုမှ အမှန်ဆုံး၊ အကောင်းဆုံးလို့ လက်ခံထားတဲ့သူ မဟုတ်ဘူး။


----------------------------------------------------------------------------------------------------------------------------------------
ကိုမျက်လုံးဘလော့ဂ်မှာ ဖတ်ရှုရတာလေးကို မျှဝေပေးထားခြင်းဖြစ်ပါတယ်။ အားလုံးတွေးဆဆင်ခြင်ကြည့်စေလိုပါတယ်။ ပြည်တွင်းမှာရှိနေတဲ့ လူငယ်တွေရဲ့အခြေအနေ။ သူတို့ရဲ့ခံစားမှု။ သူတို့ရဲ့ယုံကြည့်ချက်။ သူတို့ရဲ့ ခံယူချက်တွေကို ဒီပို့စ်ကလေးကနေ တဆင့် မြင်တွေ့နိုင်ပါတယ်။ ကြည့်တတ်မယ်ဆိုရင်ပေါ့လေ။ ကိုမျက်လုံးရဲ့ပို့စ်ဟာ ပြည်တွင်းမှာရှိနေတဲ့ လူငယ်အများစုရဲ့ ခံစားချက်တွေကို ကိုယ်စားပြုတယ်လို့ ယူဆတဲ့အတွက် ကူးယူဖော်ပြရခြင်းဖြစ်ပါတယ်။ ကိုမျက်လုံးကို ကျေးဇူးအများကြီးတင်ပါတယ်။ ဒီပို့စ်လေးအကြောင်းအီးမေးလ်ပို့လာတဲ့ သူငယ်ချင်းကိုလည်းကျေးဇူးတင်ပါတယ်။

ရွှေဘိုသား

နေဘုန်းလတ်သို့ ….

ဘလော့ဂ်ဂါမောင်နှမတွေအကြား ချစ်ခင်ရင်းနှီးစွာ စနောက်ကြရင်း "မြို့စားကြီးနေဘုန်းလတ်" လို့ နာမည်တွင်ခဲ့တဲ့သူ။ မနှစ်က ဒီလိုနေ့မှာပဲ "လွတ်ကျခဲ့တဲ့မြို့တော်" ဘလော့ဂ်လေးကို သူကိုယ်တိုင် အသက်သွင်းခဲ့တယ်။ ဒီနေ့ တော့ တစ်နှစ်တင်းတင်း ပြည့်သွားပြီပေါ့။ မှတ်မှတ်ရရ သူ့  ဘလော့ဂ်မှာ ပထမဆုံးတင်လိုက်တဲ့ ပို့စ်နာမည်ကလည်း "လွတ်ကျခဲ့တဲ့မြို့တော်" တဲ့။
လက်တွေ့ဘဝမှာ သူလွတ်ကျခဲ့တဲ့ စာရေးဆရာ၊ ဒါမှမဟုတ် အနုပညာသမားဆိုတဲ့ အမည်နာမတွေအတွက် သူ့ ဘလော့ဂ်ဟာ သစ္စာရှိတဲ့ လူယုံ၊ အစွမ်းထက်တဲ့ လက်နက်၊ အရိပ်ကောင်းတဲ့ ညောင်သစ်ပင်လို အသုံးတော်ခံခဲ့တယ်။ ရက်ပေါင်း ၃၆၅ ရက်အတွင်းမှာ သူ့ မြို့တော်က စာကောင်းစာသန့် ၁၂၂ ပုဒ် မွေးထုတ်ပေးခဲ့ပြီးပြီ။ ဒီစာတွေကြောင့် ဖတ်သူတွေအတွက် သုတပန်းတွေ လန်းလာခဲ့တယ် ၊ ရသလမ်းတွေ ဆန်းလာခဲ့တယ် ၊ ပညာမီးတွေ လင်းပလာခဲ့တယ် ။ သူကတော့ သတိထားမိချင်မှ ထားမိလိမ့်မယ်။
ဘလော့ဂ်ဂါတွေ အတွက် ပထမဆုံးဆိုတဲ့ စကားလုံးတော်တော်များများမှာ သူနဲ့ လွတ်ကျခဲ့တဲ့မြို့တော်လည်း ရင်းနှီးကျွမ်းဝင်ခဲ့တယ်။ ဘလော့ဂ်ပို့စ်တွေကို ပထမဆုံး ပုံနှိပ်မယ့်စာအုပ်အတွက် တက်တက်ကြွကြွနဲ့ သူ အစွမ်းကုန်ကြိုးစားခဲ့တယ်။ စာအုပ်ကိစ္စ ဆွေးနွေးပွဲတိုင်းကို မပျက်မကွက်တက်ရောက်ခဲ့သူဟာလည်း သူ တစ်ဦးတည်း ရှိခဲ့တယ်။ နောက်ပြီး ရန်ကုန်မှာ ပထမဆုံးကျင်းပခဲ့တဲ့ Blog Day Seminar အတွက်လည်း သူ ပါဝင်ခဲ့တယ်။ MRTV4 နဲ့ အခြားသော မီဒီယာတွေအကြားမှာ ဘလော့ဂ်လောက အကြောင်းကို သူချပြရဲခဲ့တယ်။ ဝေဖန်မှုတွေကို လက်ခံခဲ့တယ်။ မေးခွန်းတွေကို အပြုံးနဲ့ ဖြေကြားပေးနိုင်ခဲ့တယ်။
မြန်မာဘလော့ဂ်ဂါရပ်ဝန်းမှာ ဓလေ့ထုံးတမ်းတစ်ခုရှိတာက ဘလော့ဂ်တစ်ခု ဒါမှမဟုတ် ဘလော့ဂ်ဂါတစ်ယောက်ရဲ့ အထိမ်းအမှတ်နေ့တွေမှာ အထူးရေးသားတဲ့ ပို့စ်တွေ တင်တတ်ကြတယ်၊ သူငယ်ချင်းတွေက လာနှုတ်ဆက်ကြတယ်၊ Comment တွေ ချီးမြှင့်ကြတယ်။
ဒီနေ့ သူ့ ရင်နဲ့ တည်ထားတဲ့ မြို့တော်ကြီး တစ်နှစ်ပြည့်တယ်။ ခုလိုအချိန်မှာ သူသာ လွတ်လွတ်လပ်လပ်ရေးသားခွင့်ရမယ်ဆိုရင် သူ့ဘလော့ဂ်အတွက် အထိမ်းအမှတ်ပို့စ်တင်မယ့် အစီအစဉ်ရှိမယ်ဆိုတာ အသေအချာပဲ။ ဒါပေမယ့် သူ … ဘယ်မှာလဲ ။ သူရေးမယ့် ပို့စ်မှာ Comment ရေးဖို့ ဘလောဂါ့ရပ်ဝန်းက သူငယ်ချင်းတွေ သူ့ရဲ့ စာဖတ်ပရိသတ်တွေ မျှော်လင့်တကြီး စောင့်နေကြတယ်။ " မြို့စားကြီး " လို့ စနောက်ကြဖို့ စောင့်နေကြတယ် … ဇန်နဝါရီ ၂၉ ကတည်းက ခြောက်သွေ့နေခဲ့ရတဲ့ သူ့ မြို့တော်မှာ အပြုံးတွေနဲ့ ဖုံးလွှမ်းနေစေချင်တာ … ရယ်သံတွေနဲ့ စည်ညံနေစေချင်တာ … ဒါတွေအတွက် အားလုံးက စောင့်မျှော်နေဆဲပါ ..။
ဘလော့ဂ်ဂါတွေကို ချစ်ကြည်စေချင်တဲ့ သူ့အတွက်၊ လူငယ်တွေကို ကောင်းစေချင်တဲ့ သူ့ အတွက်၊ တိုင်းပြည်ကို တကယ်ချစ်တဲ့ သူ့ အတွက် ဘေးဒုက္ခဆိုတာ မြူတစ်မှုန်စာတောင် ကျရောက်မလာစေဖို့ ဘလောဂါ့ရပ်ဝန်းမှ ညီအကိုမောင်နှမအားလုံးက ဒီအမှတ်တရ ပို့စ်လေးနဲ့ ဆုတောင်းလိုက်ပါတယ်။

ပြည်တွင်းနာ

အောင်သူငြိမ်း
အောက်တိုဘာလ ၉ ရက်၊ ၂၀၀၇ ခုနှစ်။

မြန်မာပြည်သူများ အတော်များများတွင် စိတ်ဒဏ်ရာ ရသွားကြသည်။ အမာရွတ် ထင်စေနိုင်လောက်သည့် စိတ်အတွင်း ဒဏ်ရာမျိုး ဖြစ်သည်။ ၁၉၈၈ ခုနှစ် အစုအပြုံလိုက် လူသတ်ပွဲများ၏ ဒဏ်ရာ ဒဏ်ချက်များက သွေးမတိတ်သေး။ ၂၀၀၃ ခုနှစ် ဒီပဲယင်း အစုအပြုံလိုက် လူသတ်ပွဲများ၏ ဒဏ်ရာ ဒဏ်ချက်များက သွေးစိမ်းရှင်ရှင်။ နောက်ထပ် ဒဏ်ရာဒဏ်ချက်များ ရစေခဲ့ပြန်သည်။ ဤတကြိမ်တွင်တော့ အတော် ကုစားရန် ခက်ပါလိမ့်မည်။ အမျိုးသား ပြန်လည် ရင်ကြားစေ့ရေးတို့၊ ပြန်လည် သင့်မြတ်ရေးတို့ ပြောနေကြသော်လည်း ဤတကြိမ်တွင်တော့ အစစ်အမှန် ပြန်လည် ပေါင်းစည်းနိုင်ရန် အတော် အချိန်ယူကြရတော့မည် ဖြစ်သလို၊ ပျက်ပြားသွားပြီ ဖြစ်သော ယုံကြည်မှု တည်ဆောက်ရေး အတွက်လည်း နိုင်ငံတခု၊ လူမှု အဖွဲ့အစည်းတခု အနေဖြင့် အတော် ရုန်းကန်ကြိုးပမ်း ကြရပါဦးတော့မည်။

(Trauma) ဟု ဆေးပညာရပ်အားဖြင့် ခေါ်ဆိုကြသော စိတ်တွင်းနာ၊ သို့မဟုတ် စိတ်ဒဏ်ရာသည် လူတဦးချင်းအဖို့ပင် နှစ်ပေါင်းများစွာ ရင်ဆိုင် ရုန်းကန်ကြရသော ပြဿနာ ဖြစ်ပါသည်။ လူတဦး၏ စိတ်တွင်း ဒဏ်ရာများ ကုသနိုင်ရေး အတွက်ပင် နှစ်ပေါင်းများစွာ အချိန်ပေးကြရသည်။ အချို့ ပညာရှင်များက ၇-နှစ်မှ ၁၅-နှစ်တိုင်တိုင် အချိန်ယူကြရသည်ဟု ဆိုကြပါသည်။ ကဗျာဆရာကြီး ဦးတင်မိုးက သူ၏ ကဗျာတပုဒ်တွင် မြန်မာပြည်၏ အခြေအနေနှင့် ပတ်သက်၍ "ပြည်တွင်းနာ" ဟု သုံးနှုံးခဲ့ဖူးသည်ကို ကျနော် မှတ်မိနေပါသည်။ သူက ကပ်သဘော၊ အထွေထွေ အကျပ်အတည်း သဘောကို ပြောသည် ဖြစ်နိုင်ပါသည်။ ကျနော်၏ ယူဆချက်ကတော့ ဤ "ပြည်တွင်းနာ" ဟူသော စကားလုံးတွင်ပင် စိတ်ခံစားချက် သဘောများလည်း ပါဝင်နေသယောင် ထင်မှတ်မိပါတော့သည်။ လူတဦးချင်း၏ စိတ်ဒဏ်ရာများ ပေါင်းစည်းမိသောအခါ၊ ကပ်ဘေးဒုက္ခ၊ အကျပ်အတည်းများ၊ စစ်ကြီးများ၊ အဖျက်အဆီး ဘေးဆိုးကြီးများ ကြုံတွေ့ရသောအခါ လူမှုအဖွဲ့အစည်း တခုလုံး စိတ် ဒဏ်ရာ ခံစားရတတ်ပါသည်။ ကျနော်ကတော့ ၁၉၈၈၊ ၂၀၀၃ ဒီပဲယင်း၊ ၂၀၀၇ သံဃာများ၏ ကံဆောင်ပွဲ ဖြိုခွင်း နှိမ်နင်းမှု များသည် ကျနော်တို့ လူမှုအဖွဲ့ကြီး တခုလုံးအတွက် တခုအပေါ် တခုဆင့်၍ စိတ်ဒဏ်ရာများ အနာဖေး မတက်နိုင်ခင်၊ နောက်ထပ် နာကျဉ် စေပြန်ခဲ့ပြီဟု မြင်နေမိပါတော့သည်။

ဤသို့ စိတ်ဒဏ်ရာ ရစေလောက်အောင် ကြုံရသော အခြေအနေမျိုးတွင် ထိုသူတဦး၏ လုံခြုံမှုနှင့် ပတ်သက်သော ကျနော်တို့၏ ယုံကြည်ထားချက်ကို အခြေခံ ဖောင်ဒေးရှင်းမှ စ၍ ဆွဲလှုပ် ခံလိုက်ရပါသည်။ တနည်းဆိုရသော် ယုံကြည် ထားသောအရာ ကိစ္စများလည်း ပြိုကွဲ ကြေမွ သွားရပါတော့သည်။ ထို့အပြင် စိတ်ဒဏ်ရာရလျှင် လူအများသည် ဤဒဏ်ရာ ပြေပျောက်စေကြောင်း အတွက် နည်းလမ်းများစွာဖြင့် တုံ့ပြန် တတ်ကြပါသည်။ ဥပမာအားဖြင့် - မိမိ စိတ်တွင်း ခံစားချက်ကို ဖြေသိမ့်နိုင်ရေးအတွက် အရက်သောက် ထွက်ပေါက် ရှာကြခြင်းများ၊ အိမ်ပြန်လာသောအခါ မိန်းမရိုက်၍ အိမ်တွင်း အနိုင်ကျင့် နှိပ်စက်မှုများ၊ အခြားနည်းပေါင်းစုံဖြင့် လွဲမှား မူမမှန်စွာ ဖြေရှင်း ကြသည်များလည်း တွေ့ရတတ်ပါသည်။ ဤ တုံ့ပြန်ပုံ လုပ်ငန်းမျိုးကို Coping mechanism ဟု ခေါ်ကြပါသည်။

နိုင်ငံအများတွင်လည်း ဤသို့ လူမှု အဖွဲ့အစည်းကြီး တရပ်လုံး စိတ်ဒဏ်ရာ ရစေသော ဖြစ်ရပ်များ ကြုံခဲ့ကြရဖူးပါသည်။ ဥပမာ- အမေရိကန် ပြည်ထောင်စု ဆိုလျှင် ပြည်တွင်းစစ်၏ သမိုင်းကြောင်းကို ပြော၍ မဆုံးသေးသကဲ့သို့၊ ဒုတိယ ကမ္ဘာစစ် ကို ကြုံခဲ့ရသော မျိုးဆက်များက ရန်-ငါ (အဖြူ သို့မဟုတ် အမဲ) စသည့် အတွေးများနှင့် စစ်အေး တိုက်ပွဲကို ဆက်ခဲ့ကြကြောင်းလည်း လေ့လာသူများက ဆိုကြပါသည်။ ထို့အပြင် စက်တင်ဘာ ၁၁ (September 11) သည် အမေရိကန် လူထု အများအတွက် စိတ်ဒဏ်ရာ အကြီးအကျယ် ရစေခဲ့သော ကိစ္စပင် ဖြစ်သည်။ ဤစက်တင်ဘာ ၁၁ တိုက်ခိုက်မှုကြောင့် နောက်ဆက်တွဲ တုံ့ပြန်လာပုံ ဆိုးကျိုးများကို မိမိတို့ တွေ့ကြုံ ခံစားနေကြရပြီ ဖြစ်ပါသည်။ အမေရိကန် လူထုများ၏ အစွန်းရောက် မျိုးချစ်စိတ်ဓါတ်ကို ပိုမို ပြင်းထန်စေသကဲ့သို့ အခြားသော လူမှု အခွင့်အရေး၊ စစ်၊ ကမ္ဘာ့ ဆက်ဆံရေး မျက်နှာစာများတွင် များစွာ အကျိုး သက်ရောက်စေခဲ့ပါသည်။

အချို့ လူမှု အဖွဲ့အစည်းများတွင်လည်း စိတ်ဒဏ်ရာ ရစေသော ဖြစ်ရပ်များ ကြုံကြရဖူးပါသည်။ နာဇီများ၏ အစုလိုက် အပြုံလိုက် ဂျူးများကို လက်စတုန်း သုတ်သင်မှုသည် လူမှုအဖွဲ့အစည်း တခုလုံးကို ထိခိုက် စေခဲ့သကဲ့သို့၊ ပါလက်စတိုင်း ပြည်သူများ၏ နိုင်ငံမဲ့ တွန်းပို့ ခံရသော အခြေအနေ၊ ဒုက္ခ သံသရာများကလည်း လူမှု အဖွဲ့အစည်းကို ဝါးအစည်းပြေစေ သကဲ့သို့၊ တဖက်တွင်လည်း အစွန်းရောက် အယူအဆများ ထွက်ပေါ်လာစေပါသည်။ အကြမ်းဖက်မှုများ အကြောင်း လေ့လာကြသူများက ထိုလူမှု အဖွဲ့အစည်း၏ ကောက်ယူ မွေးစားထားသော စိတ်ဒဏ်ရာ (chosen trauma) များ အကြောင်းကိုလည်း အကျယ်တဝင့် လေ့လာ ဖူးခဲ့ကြပါသည်။

ယခုတော့ ငြိမ်းချမ်းစွာ ဆန္ဒပြနေကြသော သံဃာများကို လမ်းမလယ်ခေါင် ရက်ရက်စက်စက် ပစ်ခတ် ချေမှုန်း နေပုံများကို မြင်တွေ့ခဲ့ကြရသည်။ ပြောရမည်ဆိုလျှင် ၂၀၀၇ စက်တင်ဘာလ သံဃာများနှင့် ဆန္ဒပြ ပြည်သူများကို ရက်ရက်စက်စက် ဖြိုခွဲချေမှုန်းမှုသည် မြန်မာနိုင်ငံ၏ စက်တင်ဘာ (၁၁) Burma September 11 ဟု တင်စားလျှင် မမှားနိုင်ပါ။ ထစ်ကနဲရှိ စစ်တပ် အားကိုး၊ လက်နက် အားကိုးဖြင့် ဖိနင်း ချေမှုန်းလိုသည့် အာဏာရှင်များ၏ ဒေါသ၊ အမျက် မာန်မာနများကို မြင်တွေ့လိုက်ကြရသည်။ ထို့အပြင် တဖက်သတ် ပြောဆို ဝါဒ ဖြန့်ချိနေမှုများ ကလည်း၊ ထပ်မံ စော်ကားသကဲ့သို့ ရှိနေစေသည်။ သံဃာများက ဆိုခဲ့သကဲ့သို့ မေတ္တာဓါတ် အားနည်းသည့် အပြုအမူများ၊ ရုန့်ရင်း ကြမ်းတမ်းမှုများ ကလည်း ဆက်လက် သည်းညည်း မခံနိုင်စရာ။ လူအများ၏ ကိုးကွယ် ယုံကြည်မှု ဘာသာရေး အခြေခံကိုပါ ရိုက်ချိုး ကြေမွ စေသကဲ့သို့ ဖြစ်စေခဲ့သည်။

သမိုင်းအရလည်း စိတ်နာကျည်းစရာများက အကြိမ်ကြိမ်၊ ၁၉၆၂ ကျောင်းသားသမဂ္ဂ အဆောက်အဦးကို ဖြိုခဲ့သည်။ ဦးသန့် အရေးအခင်းတွင် သွေးချောင်း စီးခဲ့ရသလို၊ ၁၉၇၀ ခုနှစ် အလုပ်သမား ဆန္ဒပြပွဲများကိုလည်း ပစ်ခတ် ချေမှုန်းခဲ့သည်။ ၁၉၈၈၊ ၂၀၀၃၊ ၂၀၀၇ သွေးချောင်း စီးရမှုများက မြန်မာ့ လူ့အဖွဲ့အစည်း အတွက် မမေ့နိုင်စရာ အဖြစ်အပျက်များ ဖြစ်နေသည်။ ထိုထက်ပို၍ ဆိုးသည်မှာ ငြိမ်းချမ်းမှုကို လိုလားသည့်၊ ဗုဒ္ဓဘာသာ ထွန်းကား၊ အလေးအမြတ် ထားသည့် လူမှု အဖွဲ့အစည်းဟု ဂုဏ်ယူနေကြဆဲ ရဟန်း သံဃာများနှင့် သာသနာကို အဆိုးဝါးဆုံး ဖျက်ဆီး ချေမှုန်းလိုက်မှုသည် လူအများအတွက် စိတ်ဒဏ်ရာကို ပို၍ နက်ရှိုင်း လာစေခဲ့တော့သည်။

သံဃာများ၏ ဆန္ဒပြပွဲများကို အကြမ်းဖက် ချေမှုန်းနေစဉ်တွင် ပြည်တွင်းမှ "သဲ" ဟူသော ကလေးမ တဦးနှင့် မိမိ ချက်တင် စကားပြောခွင့် ရနေခဲ့ပါသည်။ သူရော၊ ကျနော်ပါ စိတ်လှုပ်ရှား နေကြ၍ အတော်လည်း စိတ်ထိခိုက် နေကြရပါသည်။ "ပစ်နေပီ။ ပစ်နေပီ။ လုပ်ကြပါဦး" "သေကုန်ကြတော့မှာပဲ" တဖက် မြန်မာပြည်ဖက်မှ သူမ ရိုက်ပို့လိုက်သော စာသားများ ကျနော် ရရှိနေပါသည်။ သူမက ပြင်ပသို့ အဖြစ်အပျက်များကို တတ်နိုင်သမျှ သတင်း ပေးနိုင်ရေးအတွက် ကြိုးစား ကူညီနေသူသာ ဖြစ်ပါသည်။ မိမိနှင့် ယခင်ကလည်း မရင်းနှီး၊ မကျွမ်းဝင်ခဲ့ပါ။ "ပြောပေးကြပါဦး" "ကျမတို့လည်း ဘာမှ မတတ်နိုင်တော့ဘူး" သူမက အဖြစ်အပျက် အသေးစိတ်ကို ပေးပို့နေချိန်တွင် ခံစားချက်ကိုပါ ကျနော် ထဲထဲဝင်ဝင် မြင်နေရပါသည်။
ကျနော်လည်း မည်သို့မျှ မကူညီနိုင်ခဲ့ပါ။ ကျနော့ကိုယ် ကျနော်လည်း ၁၉၈၈ အာဏာသိမ်းမှု အပြီး၊ ရန်ကုန် ဆေးရုံကြီးအနီး ရင်ခွဲရုံရှိ သူငယ်ချင်း အလောင်းနားတွင် နံရံကိုထု၊ မျက်ရည်တွေကျ ငိုယိုနေသော လူငယ်လေး တယောက်ကို ပြန်မြင်ယောင် နေပါသည်။ ထိုသို့ ငိုယိုနေခဲ့သူ လူငယ်ကလေးမှာ ကျနော်ကိုယ်တိုင် ဖြစ်ပါသည်။ ယခုတော့ ငိုယိုနေသူ ကလေးမ တဦး၏ အဖြစ်ကို ကျနော်ကိုယ်တိုင် နောက်ထပ် မြင်တွေ့နေရပါတော့သည်။

ကျနော်တို့၏ စိတ်ဒဏ်ရာများက ပို၍ပို၍ နက်ရှိုင်း လာစေပါသည်။ ကျနော် တယောက်ထဲ မဟုတ်။ ကျနော်တို့ လူမှု အသိုင်း အဝိုင်းကြီးရော၊ နောက်ထပ် မျိုးဆက်သစ် လူငယ်များပါ ထပ်၍ စိတ်ဒဏ်ရာ သင့်ရပြန်ပါပြီ။ ဘယ်တော့များမှ ပြီးနိုင်တော့ မည်နည်း။ မည်သည့်အခါမှ ကျေပျောက် နိုင်ကြပါတော့မည်နည်း။ မျိုးဆက်များ ဆင့်ခဲ့ကြပြီ ဖြစ်သည်။

စစ်အစိုးရကတော့ လူအနည်းစုကလေး၏ အုံကြွမှု၊ ကောက်ရိုးမီးသဖွယ် ပုံဖော်နေပါသည်။ ဒေါ်အောင်ဆန်း စုကြည်ကို တွေ့မည်ဟု အပေါ်စီး မက်လုံး ပေးရုံလောက်ဖြင့် ငြိမ်းအေးသွားတော့မည့် ကိစ္စဟု ထင်နေပုံရပါသည်။ လူမှု အဖွဲ့အစည်း အတွင်း နက်နက်ရှိုင်းရှိုင်း ဖြစ်ပေါ်နေခဲ့သော စိတ်ဒဏ်ရာ အတွင်းကြေကို ဤမျှလောက်ဖြင့် ကျေပျက်စေလိမ့်မည် မဟုတ် ပါ။ ကျနော်တို့၏ ယုံကြည်မှု အခြေခံ တခုလုံး ကိုင်လှုပ် ခံလိုက်ရသော အခြေအနေ၊ ကမ္ဘာ့ ကုန်သွယ်ရေး မျှော်စင်ကြီး ပြိုကျခဲ့ သလို အပြန်အလှန် ယုံကြည်မှုများ ပြိုကွဲ မြေပေါ် ပုံကျသွားရသည့် အခြေအနေကို ကျနော် မြင်နေရပါသည်။ ဤစိတ်ဒဏ်ရာ ဒဏ်ချက်များဖြင့် ကျနော်တို့ လူမှု အဖွဲ့အစည်းကြီးက ကာလအတန်ကြာ ဆက်လက် လျှောက်လှမ်း နေကြရဦးတော့မည် ဖြစ်ပါတော့သည်။

အောက်တိုဘာလ ၂၀၀၇ ခုနှစ်။

ဆရာကိုအောင်သူငြိမ်း၏ဆောင်းပါးကို မဇ္ဖျိမသတင်းဌာန၀က်ဘ်ဆိုက်မှ ကူးယူဖော်ပြထားခြင်းဖြစ်ပါသည်။

ကျနော်ချစ်တဲ့ ဗိုလ်ချုပ်ရဲ့သဘောထား

ကျနော့်ဘလော့ကိုလာရာက်ကြည့်ရှုအားပေးသူတစ်ယောက်က ပေးသွားတာပါ။ သူ့နာမည်ကိုပြောမသွားတဲ့အတွက် မဖော်ပြနိုင်တာကိုခွင့်လွှတ်ပါ။ ကိုယ်တိုင်ကြည့်ရှုချင်ရင်လည်း ဒီ http://img43.imagevenue.com/img.php?image=04198_capture_122_1080lo.jpg ကနေကြည်လို့ရပါတယ်။
ရွှေဘိုသား

ဗျို့ဟစ်လို့သာ အော်လိုက်ချင်

ဘာမှလုပ်ချင်ကိုင်ချင် စိတ်မရှိတာလဲ တော်တော်ကို ကြာနေပါပြီ။ ပုဂ္ဂလိက အဆင်မပြေ မှုတွေ ကလဲ တပုံတပင်။ တိုင်းရေပြည်ရေး ကလဲ ဘာမှခန့် မှန်လို့ မရတဲ့ ချေအနေ။ တနေ့  တနေ့ ရင်တမမ နဲ့  Web Site တွေကြည်လိုက် နီးစပ်ရာ သူငယ်ချင်းတွေ ကို Gtalk ကနေ လှမ်းမေးလိုက် ။ စီဘုံး တွေ လိုက်ဖတ်လိုက်နဲ့ ။ အရင် က မြန်မာပြည်ထဲမှာ Internet ရနေ တော့ နည်းနည်းတော် သေးတယ်။ အခုရက်ပိုင်း MPT နဲ့  TELE PORT ကလဲ အစိုးရကို သပိတ်မှောက် လိုက်တော့ မြန်မာနိုင်ပြည်ထဲ နဲ့ အဆက်အသွယ် ကပြတ်လို့ ။(ဒီ သတင်း လဲ ခိုင်လုံ တဲ့ သတင်းရပ်ကွက်ကပါပဲ။ ) လွမ်းရေးလဲခက်၊ တိုင်းရေးပြည်ရေး ကလဲခက်။ ကောင်မလေးနဲ့ ဒီအချိန်တွေ ရင်တောင်ရီပြနိုင်ပါ့ မလားမသိတော့ဘူး။ အိမ်ကို လဲ ငွေမလွဲ နိုင်။ တခါတလေလဲ ကိုယ့်ကိုကိုယ်တတ်သလိုလို နပ်သလိုလို နဲ့  အမြင်တွေ ဖလှယ်လို့ ။ ဒီနေ့ တော့ ကျနော် နဲ့ ရဲဘော်ရဲဘက်လို့ ပြောရမလား ။ တေဖော်ပေဘက်လို့  ပြောရမလား မသိတဲ့ သူငယ်ချင်းက စာသုံးစောင် Forward လုပ်ပေးလိုက်တယ်ဗျာ။ အသံဖိုင် ၈ ဖိုင်တွဲ နဲ့ ။ ကျနော်လဲဘာတွေများလဲဆိုတဲ့မျော်လင့်ချက်နဲ့ ပေါ့။ ကုလအထူးကိုယ်စားလှယ်လို့ ပြောတဲလူ ကလဲ ရန်ကုန်မှာ အန်တီဆု နဲ့ တွေတယ်လို့  CNN မှာလာသွားတဲ့ အချိန် မဟုတ်လား။ ဘာပဲ ဖြစ်ဖြစ် မျော်လင့်ချက်တွေနဲ့ နားထောင်လိုက်တာပေါ့။ အဲဒီမှာ စတွေ့တာပဲ။
“ငါစစ်သားဖြစ် တယ်.. ငါစစ်သားဖြစ်တယ်” ။
ကျနော့ စိတ်ထင် ကုလကိုယ်စားလှယ် ကြီးများ တပ်မတော်ရဲ့ စေတနာအမှန်သိပြီးတပ်ထဲရောက်သွားပြီလားပေါ့လေ။ နောက်မှ သိလိုက်ပါတယ်။ တပ်မတော်ခေါင်းဆောင်ကြီးတွေ ကညှိနိုင်းဖို့လက်မခံပေမယ့် နိုင်ငံတကာမှာ ပညာတွေ သင်နေတဲ့ တပ်မတော်ခေါင်းဆောင်လေးတွေ က သဘောထားပျော့ပြောင်း ရှာတယ်။ ဘာတွေ ပြောတယ် ဆိုတာဖောက် သည်ချပါရစေ။ ပြောကောင်းမဆို ကောင်း အဲဒီ ဆရာလေးတွေ နဲ့ညှိရနှိုင်းရမယ်ဆိုလဲ ကျနော်တို့ဘာတွေပြင် ထာားရမယ်ဆိုတာ သိနိုင်တာပေါ့ဗျာ။

ကျနော်တို့ ရဲ့အရာရှိမင်းက စစ်သားဖြစ်ပေမယ့်မျက်စေ့ စုံပိတ်မငြင်း ရှာပါဘူး။ နိုင်ငံဆင်းရဲ နေတာကို လဲ လက်ခံပါတယ်။ တခြားတိုင်းပြည်တွေ ဘာလို့ တိုးတက်တယ် ဆိုတာလဲ
သူတို့ လေ့လာ အကောင်အထည်ဖော်နေပါတယ်။ ဟုတ်တယ်မေးတဲ့ သူက မသိပဲနဲ့ သွားမေးသကိုး။ နည်းနည်း တော့ကြာမှပေါ့။ ခုမှ ဆယ်စုနှစ် ၂ ခုပဲ ရှိသေတာကို မေးတဲ့ ဆရာကတယ် လောတာပဲ။ ကျနော်တို့ အရာရှိမင်းတွေ က ကိုယ်နေတဲ့နိုင်ငံအကြောင်းကို တီးမိခေါက်မိ အောင် လေ့လာထားတယ်။ မသိရင်မှတ်ထား ကြပါ။ စင်ကာပူ တိုးတက်တာ စီမံကိန်းတစ်ခုထဲကြောင့် ပါ။ အဲဒါလဲ စင်ကာပူ နိုင်ငံတည်ထောင်ပြီး ၁၀နှစ်နောက်ပိုင်းမှာ တိုးတက်တာပါ။ စနစ်နာမည် က ရှေက Human နဲ့ စပါတယ် ၊ နောက်က စာလုံးနှစ်လုံး ပါတယ်။ စင်ကာပူနိုင်ငံ အလံတင် တဲ့အချိန်မှာ သယံဇာတ ဘာမှ မရှိလို့ အဲဒီ စီမံကိန်းကို သုံးတဲ့ အတွက် ၁၀ နှစ်နောက်ပိုင်းမှ တိုးတက်လာတယ်။ စင်ကာပူလို နိုင်ငံသေးသေးလေး တောင်နှစ်လေးဆယ် လောက် အချိန်ယူပြီးလုပ်နေ ရတယ်။ မြန်မာနိုင်ငံ က စင်ကာပူထက် အဆ ၁၀၀ လောက်ကြီးတဲ့ ကျနော်တို့ နိုင်ငံအတွက် ဆို နှစ် လေးရာ လောက်အချိန်ယူရ မယ်ဆိုပါလား။ ဘယ်လို တွက်လဲတော့မသိဘူးဗျာ။ တော်သေးတယ် ကျနော်သာ ဆို ရင် အတန်းပညာ သိပ်မရှိတော့ လေးထောင်လို့ တွက်မိမှာ။

ကျနော်တို့ ဆရာလေးကလဲ ထပ်မေးတယ် ခင်ဗျာ။ “မင်းလို အရာရှိပေါက်စတောင် ဒီလောက် သိနေတာ မင်းတို့ ဗိုလ်ချုပ်ကြီးတွေ ဒီထက်ပိုသိမှာပေါ့ ။ အခုဘာလုပ်နေတာလဲ” တဲ့။ ကျနော် တို အရာရှိမင်းက အရာရှိအကြီးအငယ် ဘယ်လိုခွဲတယ်ဆို တာဘယ်လို စံတွေနဲ တိုင်းတာ လေ့ ရှိသလဲ့ ဆိုတာကို ပြောပြသွားတယ်။ -ာပြိုင်ချမယ်။ အရက်ပြိုင်သောက်မယ်။ ဆေးလိပ် ပြိုင်သောက်မယ်။ စာတစ်ပုဒ်ကို ဘယ်နမိနစ်အတွင်း အပြိုင်ပြောနိုင်တယ် ပြိုင်မလားတဲ့။ တော်တော်မလွယ်တဲ့ ကိစ္စတွေပါ ။ စစ်တပ်မှ Army Rum တွေ ထုတ်ပေးတဲ့ရည်ရွယ်ချက် ကို ခုမှသိရပါတော့တယ်။ ကို ယ့်ဆရာရေ နောက်တစ်ခါ ဖုန်းခေါ်ရင် ဘယ်ရာထူးဆို အရက်၊ ဆေးလိပ် ဘယ်လောက်သောက်နိုင်ရမယ်။ စာဘယ်လောက်မြန်မြန်အလွတ်ရရမယ်၊ ဟိုဟာ ဘယ်နှစ်ခါလုပ်နိုင် ရမယ်ဆိုတာလေး မေးပေးပါလား။ ကံကောင်းလို့ ဗိုလ်ချုပ် ရာထူး အပြင် ကခေါ်ရင် ဖြေဖို့ လေ့ကျင့်ထားချင်လို့ ပါ။ ဗဟုသုတချင်းလဲ ယှဉ်ရမယ်။ မလွယ်ပါလား။ ယောင်္ကျားထဲ မှာအရည်အချင်းရှိလို့ စစ်သာဖြစ်တာပါ။ အသက်အကန့် အသတ်လဲ မှီရမယ် ။ ဆေးစစ်လဲအောင်ရမယ်။ ခန္ဒာကို လည်းသန်စွမ်းရမယ်။ ဟုတ်တာပေါ့ လေ။အဲလောက် ပြည့်စုံမှလဲ ဖြစ်မပေါ့။ လုပ်ရမှာတွေ ကမနည်းဘူးလေနော့။ အော်ဒါနာထောင်ပြီးမှ သဘော ပေါက်တယ် ယောင်္ကျားကောင်းရှားတယ် ဆိုတဲ့စကားကို။ အရာရှိမင်း မလုပ်ရတဲ့သူ များက စင်ကာပူရောက်နေတာဗျ။ စင်ကာပူကတော့ ယောင်္ကျားကောင်းတွေ ပဲနေမှာ သူတို့ က ၁၈ နှစ် ဆို စစ်မှုထမ်းကုန်တော့။ စိတ်ရှည်ကြပါ ဗျာ။ Idea ကောင်းကောင်းနဲ့ နိုင်ငံကို ကောင်းအောင် လုပ်နေပါတယ်။ မပြီခင်တော့ ဗမာတွေကို မပြဘူးနော်။ သိချင်ရင် တိုင်းရင်းသားတွေကို လိုက် မေး။

ကျနော်တို့ နိုင်ငံက ဆင်းရဲ ပါတယ်။ ဆင်းရဲတိုင်းတော့ ရှောက်မတောင်ကြပါနဲ။ တောင်းသင့် တာပဲတောင်းပါ။ မတောင်းသင့်တာကို မတောင်းနဲ့ ။ အရာရှိမင်း မိဘများဆို အရပ်သားတွေ ပဲ ဘာမှမတောင်းပါဘူး။ အားမငယ်ပါနဲ့ ဦးတို့ ဒေါ်တို့ ရယ်။ အရာရှိမင်းက နောက်ဆို အကောင် ဖြစ်မှာပါ။ စစ်တပ်ထဲမှ ရာထူးကြီးရင် အကောင်ဖြစ်သွားတာတဲ့။ ဒါဝင်သီအို ရီကို ကျနော်တို့  နိုင်ငံမှာ Expend လုပ်လို့ ရတဲ အကြောင်းနိုင်ငံတကာ တက္ကသိုလ်တွေကို သတင်းပို့ ပေးပါဦး။ ဆီဈေးတက်တာလဲ ကျနော်တို့ တစ်နိုင်ငံထဲမဟုတ်ဘူးဗျ။ ကျနော်တို့ တပ်မတော် ခေါင်းဆောင် ကြီးတွေ က အာရှတိုင်းပြည်တွေကို စာရင်းတောင်တို့ တာမဟုတ်ဘူး။ ဆီဈေးတက်တော့ ဘာ ဖြစ်လဲ လုပ်ခတိုးတောင်းပေါ့။ ရှင်းနေတဲ့ဟာကို အလကားအလုပ်ပျက် အကိုင်ပျက် ဆန္ဒပြ ရတယ်လို့ ။ တော်တော်သနားဖို့ ကောင်းတဲ့လူတွေ။ တိုးတောင်းရင် အလုပ်ရှင်တွေကပေး မှာ ပေါ့။ လွယ်တာကို ခက်အောင်လုပ်နေတာ။
ကျနော်တို့ တော်တော်ဆိုးတာပါလား။ နောက်ဆို အစိုးရရုံးတွေ မှာ တခါထဲ ပိုက်ဆံတွေ Print Out လုပ်ပေးတော့မယ် ထင်တယ်။ လိုသမျှ ထုပ်ပေးလိုက်ရုံပဲ။

ကျနော်တို့ အရာရှိမင်းတွေ က ဘုန်းကြီးအစစ်ဆို ထိုင်ရှိခိုးတယ်။ အားရင်လဲ ရွှေတိဂုံဘုရား မှာကိုယ့်အားကိုယ်ကိုး အလှုလိုက် ခံတယ်။ ဒီလောက်ဘာသာတရား ကို အလေးထားတာနော်။ ဘုန်းကြီး အတုနဲ အစစ်ခွဲတာလား။ လွယ်လွယ်လေး။ ခေါင်းတုံးအသစ်ဆို အတု။ (အရှင်ဘုရား တို့ ခေါင်းရိတ်ခါနီးရင်တော့ နီးစပ်ရာ အရာရှိမင်းတို့ တပ်စခန်းကို သတင်းပို့ ပါ။) အရာရှိမင်းတို့ က ပစ်ချင်လို့ မဟုတ်ပါဘူး။ လူတွေက ခဲတွေနဲ့ စပေါက်လို့ ပါ။ စစ်သားက အလားကားနေယင်း သေနတ်ထောင်မဖောက်ဘူး။ လကုန်ရင်လစာရတယ်။ မှတ်ထားပါ။ ကျနော်တို့ အရာရှိမင်းရဲ့ ရင့်ကျက်မှုကနေသိရတဲ့အချက်တွေ။

အရာရှိမင်းတို့ စစ်သားတွေက သာမန်ပြည်သူတွေထက်ဒေါသကြီးတယ်။ ရာထူးတက်ဖို့ ကလဲ ကြိုးစား သောက်နေရတာကို ။ ခင်ဗျားတို့ အိမ်ထဲကို မဝင်နဲ့ လို့ တားနေတာကို ဇွတ်ဝင်လာရင် ဘာလုပ်မလဲ။ ကောင်းကောင်းမွန်မွန် လက်ခံ စကားပြောမလား။ ရိုက်လွတ်မလား။ အရာရှိ မင်းတို့  ကတော့ ရိုက်မှပဲ။ တွေ့ မယ် ဒီတစ်ခါ သန်ခေါင်စာရင်း လာစစ်ရင် တားမယ်။ အတင်းဝင်လို့  ကတော့ ရိုက်လွတ်မယ်။ အရာရှိမင်း Email သိတာပဲ။ ကူညီမယ်မဟုတ်လား။

ကျေးဇူးကိုတော်တော်တင်ပါတယ်။ အစ မကောင်းတဲ့မိန်းမတွေဘယ်လို ဖြစ်လာမှန်းမသိဘူး။ ပိုက်ဆံမ ရှိလို့ ကြုံရာလုပ်တယ်ပဲ ထင်တာ။ အရာရှိမင်းနှုတ်က ပြောမှပဲသိတော့တယ်။ ၉၀ ရာခိုင်နှုန်းက မနေနိုင်လို့ တဲ့။ ပိုက်ဆံကြောင့်မဟုတ်ဘူးတဲ့ဗျ။ အရာရှိမင်းတို့ ကတော့ လေ့ကျင်နေ ကြဆိုတို့ ပိုသိမှာပေါ့လေ။ စင်ကပူမှာ Poly လေးကျောင်းပဲ ကျန်တော့တာလဲ အရာရှိမင်း ပြောမှသိရတာ။ ကျနော် သိထားတာ ၅ ကျောင်းဗျ။ ဟုတ်မှာပါလေ အရာရှိမင်းတို့  ကသေချာလေ့လာထားတာပဲ။ တစ်ကျောင်းက ကားလမ်းမလွတ်လို့ ဖျက်လိုက်တာထင်တယ်။ နန်ယမ်းပိုလီ က မိန်းကလေးတွေ အပျက်စီးဆုံးတဲ့။ အရာရှိမင်းတို့ သတင်းလိုက်တာ ပိုင်သ ဟေ့။ အနံ့ တော်တော်ခံတတ်တယ်။ ကုသိုဟ်ကံကောင်းတဲ့ အရာရှိမင်းတို့ များ ကျတော့ လဲ စာလုပ်စရာလုပ်လိုက် Online တက်လိုက်နဲ ဟန်ကိုကျလို့ ပဲကို။ အဲဒီအချိန်တွေ ကိုလဲ အကျိုး ရှိအောင် နိုင်ငံဘာဖြစ်နေလဲလေ့ လာနေတာပါ။ ခုပဲကြည့် စင်ကာပူရဲ့ အပျက်စီးဆုံးကျောင်း ကို တို့ ဆရာလေး စင်ကာပူမှာနေ ပြီး ဘာ မသိဘူး။ အရာရှိမင်းရုရှက လှမ်းပြောပြပေလို့ ။

အရာရှိမင်း အဖေက လဲ ယောင်္ကျားကောင်းမဟုတ်ရှာတော့ ၂၀၀၀ ပြည့်နှစ်မတိုင်ခင်က စင်ကာပူမှ အင်ဂျင်နီယာသွားလုပ်ဖူးတယ်ဗျာ့။ အဲဒီတုန်းက စင်ကာပူ က ရဲတွေကို လာဘ်ပေးခဲ့ ဘူးတယ်။ ဘာလို့ လာဘ်ပေးရလဲတော့သိဘူးလေ။ အရာရှိမင်း အဖေလဲ အပြင်ကနေ ဗိုလ်ရွေးခံဖို့ ကြိုးစားဘူးတယ်ထင်ပါတယ်။ Aljunied နားမှာတော့လေ့ကျင့်ရေးကွင်း တွေ ရှိတာပဲ။ တချို့ ကွင်းတွေကို တော့ရဲ ဝင်ဖမ်းချင်ဖမ်းမှာပေါ့။ လက်ရှိလဲ အရာရှိမင်း သူငယ်ချင်း က စင်ကာပူမှာလာဘ်ပေးရင် ရတယ်လို့ ပြောတယ်။ ကျနော လဲထောက်ခံတယ်ဗျာ။ မယုံရင် ပုစွန်တောင် က စင်ကာပူဘုန်းကြီးကျောင်းနားမှာကြည့်။ မော်တော်ပီကယ်နှစ်ယောက် အမြဲ ရှိတာပဲ။ အရာရှိမင်း ကပြောတယ် အတိအကျစည်းကမ်းနဲ့ လုပ်တဲ့သူတွေ ရှိတယ်။ လာဘ်စားတဲလူရှိ တယ်။ နိုင်ငံတိုင်းမှာ ကိုရှိတာပါတဲ့။ လာမယ့်တရုပ်အိုလံပစ် ကြမှ အဲဒီပြိုင်ပွဲ ထည့်ခိုင်းရမယ်။ တို့မြန်မာတွေရွှေတံဆိပ်တစ်ခုရ နည်းလားဗျာ။

ဆိုမာလီနဲ့ မြန်မာလာဘ်စားတာ အများဆုံးနိုင်ငံ လို့ ဘယ်သူ ကများပြောတာတုန်း။ သူတို့ က တစ်ယောက်ချင်းလိုက်ပေး ကြည့်လို့ လား။ တကယ်ဟုတ်ရင် MRTV တို့  MWD တို့ က လွင့် မှာပေါ့။ ခင်ဗျားတို့ တစိတ်တုံ်းလွန်းတယ်။ ကျနောတို့ အရာရှိမင်း နာမည်က Sorry တဲ့ဗျ။ လုံးဝ မကွယ်ဘူးနော်။ Underground နဲ့  Fight တယ်တယ်။ အဲဒါတော့ ကျနောလဲမရှင်း ဘူး။ Underground ဘိနပ်လား၊ အကလား ဘာလားပေါ့လေ။ အချိန်မရွေး ဖုန်းခေါ်လို့ ရတယ်။ မသိ ရင် မေးလို့ ရတယ်။ စိတ်မကောင်း စရာက အရာရှိမင်း တို့ နေတဲ့နေ ရာက Phone သူခိုးပေါ တယ်နဲ့ တူပါတယ်။ူခမျာ ရေးချိုးခန်းထဲ တောင်ဖုန်းယူသွာရရှာတယ်။ ဗိုလ်ခင်ညွန့် လိုလာဘ်စား တာ လက်ပူးလက်ကျပ်မိရင် အရာရှိမင်းတို့ ကို တိုင်အရေးယူမှာပါ။ ခင်ဗျာတို့ သိရင်လဲနာမည် နဲ့  သေချာတိုင်တဲ့။ (တိုင်ရမဲ့ နေရာတော့ပြောမသွားဘူး)့ နောက်ဆုံး ခင်ဗျားတို့ မှတ်ထားရမှာ က တိုင်းပြည်ကို မထိနဲ့။ နိုင်ငံကို မထိနဲ့ ။ မကောင်းတာကလူတွေ လူတွေကိုပဲပြော။ တိုင်းပြည်ကို ထိရင် အရာရှိမင်းကတော့ လုံးဝခံမှာ မဟုတ်ဘူး။ စစ်တပ်ကို မကောင်းပြောချင်ရင် လဲ အရင် ဆုံး စစ်တပ်ထဲမှမကောင်းတဲ့ လူ ကိုတွေအောင်ရှာကြ။

ဘာပြောပြော ကျနောကတော့ အားကို တက်လို့ ။

ရေးသားသူ_ မာဆိုး


ကျနော့်သူငယ်ချင်းတစ်ယောက်ခမျာ ရုရှကစစ်ခွေးတစ်ကောင်နဲ့ စင်ကာပူကမြန်မာလူမျိုးတစ်ယောက်ယောက်စကားပြောတာကို နားထောင်ပြီး သူ့ရင်ထဲကဖြစ်ပေါ်လာတဲ့ခံစားချက်ကို ဖွင့်ဟလာပါတယ်။ အဲဒါကို ကျနော်က ကူးယူဖော်ပြထားခြင်းဖြစ်ပါတယ်။ အဲဒီရုရှက စစ်ခွေးဟောင်တဲ့အသံတွေနားထောင်ချင်ယင်ကျနော့ဆီ အီးမေးလ်ပို့ပြီးတောင်းယူနိုင်ပါတယ်။
ရွှေဘိုသား

ကိုထိုက်ရဲ့ ဘလော့ဂ်မှာဖတ်ခဲ့ရတာက........

ပုဒ်မ ၁၂၇ ကို ထုတ်ပြီး နှိမ်နင်းဖို့အတွက် ၁၄၁ ကို ကျူးလွန်မှ ထုတ်ခွင့်ရှိပါတယ်။ ပုဒ်မ ၁၄၁ က ဆူပူအကြမ်းဖက် လိုသူများ လူစုလူဝေး ပြုလုပ်ခြင်းစတဲ့ အချက်ပေါင်း ၅ ချက် ရှိရပါ့မယ်
အခု မေတ္တာသုတ်ရွတ်ဖတ်ပြီး လမ်းလျှောက်နေသူများဟာ အင်အား ၁ သိန်း ၂ သိန်းပဲ ဖြစ်ပါစေ ။ အကြမ်းဖက်ဆူပူလိုခြင်းမရှိဘူးဆိုတာ သိသာတဲ့အတွက် ၁၂၇ ထုတ်ရန် အကျုံးမ၀င်ဘူး မလိုအပ်ဘူးဆိုတာ လူအများသိရှိရန် အသိပေးဖြန့် ဝေပေးကြပါ။

SMS message များ

စင်ကာပူနှင့် အင်္ဂလန်နိုင်ငံများတွင် SMS များဖြင့် မြန်မာနိုင်ငံအတွင်း ပစ်ခတ်မှုများရှိသည်ဟူသော သတင်းများကို ဖြန့်လျှက်ရှိပါသည်။ ထိုသတင်းများသည် မှားပါသည်။ ထိုကြောင့် ထိုသတင်းများကို ထပ်ဆင့်ဖြန့်ဝေခြင်းများ လုပ်ချင်းဖြင့် တိုင်းပြည်အတွင်း ဖုန်းဆက်၍ မိသားစုများကို မေးမြန်းကြပြီး နောက်ဆက်တွဲ အနေဖြင့် ပြည်တွင်း မငြိမ်သက်မှုများ ဖြစ်ပေါ်နိုင်ပါသည်။ ထိုသို့ မငြိမ်မသက် ဖြစ်ခြင်းသည် တိုင်းပြည်အတွင်း အေးချမ်းစွာ ဆန္ဒပြနေကြသော သံဃာတော်များကို ထိခိုကနိုင်ပါသဖြင့် မဟုတ်သောသတင်းများကို လွှင့်ခြင်းအား မဟုတ်မှန်ကြောင်း ပြန်ပြောကာ ထပ်မံ၍ သတင်း မဖြန့်ကြပါရန် ပန်ကြားအပ်ပါသည်။


ကိုထိုက်

တို့ဗိုလ်ချုပ်အောင်ဆန်းသာရှိခဲ့ရင်