လုပ်ချင်ဦးဟဲ့ လုပ်ကြံရေး

မြန်မာနိုင်ငံ စစ်အာဏာရှင်အောက်က လွတ်မြောက်ဖို့ ဝိုင်းဝန်းကြိုးစား ကြတဲ့လူငယ်တွေ ရဲ့  ဦးဆောင်မှုနဲ့ နောက်ဆုံးတော့ အာဏာရှင်အဓိပတိကြီးကို ဆုငွေထုတ်နိုင်ခဲ့ပါတယ်။ ဆုငွေ ပမာဏကလဲ မြို့ မေတ္တာခံယူတဲ့ ပုဂ္ဂိုလ်ကြီးဖြစ်တာကြောင့် ဒီရေအလား တရိပ်ရိပ်တက်လိုက် တာများ နောက်ဆုံတော့ စတင်မတည်ငွေဟာ စုစုပေါင်းရရှိမဲ့ ဆုငွေရဲ့ ဝ.၁ ရာခိုင်းနှုန်းသာရှိပါ တော့တယ်။
တစ်နေ့ တော့ ဆုငွေကိုင်တွယ်ထားတဲ့ ကော်မတီထံကို ဗမာပြည်တွင်း ကနေဖုန်း ခေါ်သံတစ် ခုဝင်လာခဲ့ပါတယ်။ တော်တော်မူးယစ်နေပုံ ရတဲ့ ဟယ်လို ဆိုတဲ့ အသံနဲ့ ပေါ့။
လူစိမ်း။ ။ ဗိုလ်သန်းရွှေကို သတ်ပေးတဲ့ ဘယ်သူ့ မဆို ဒီဆုငွေကို ထုတ်ယူခွင့်ရှိပါသလား။

တာဝန်ခံ။ ။ ရပါတယ်ခင်ဗျာ။ တကယ်လို့ မပြောကောင်းမဆိုကောင်း ခင်ဗျား အထိအရှ ဖြစ် သွားတယ် ဆိုလဲ ကျန်ခဲ့တဲ့ ခင်ဗျားမိသားစု ကို ကျနော်တို့ လွဲပေးမှာဖြစ်ပါတယ်။
လူစိမ်း။ ။ကျုပ်သိချင်တာ ကျုပ်ရမလား မရဘူးလားပဲသိချင်တာ။
တာဝန်ခံ။ ။ရပါတယ်။
လူစိမ်း။ ။ကျုပ်က ရာဇဝတ်သား၊ အရက်သမား၊ စက်တင်ဘာတုန်းက လူတွေကိုရိုက်ခဲ့နှက်ခဲ့ ဘူးတဲ့ ကောင်ဆိုရင်ရော ဗျာ။
တာဝန်ခံ။ ။အဲဒါဆိုလဲ ခင်ဗျားလုပ်ခဲ့တဲ့ မကောင်းမှု အားလုံးကို ခင်ဗျားရဲ့ နောက်ဆုံး လုပ်ရပ် နဲ့  ချေဖျက်ပေးရမှာပါဗျာ။ စိတ်ချပါ။
လူစိမ်း။ ။ကျနော် သူ့ နှဖူးအလည်တည့်တည့်ကို ပစ်မယ်ဗျာ။ ပြီးတော့ သူ့ လက်မကို ပါစပ်ထဲ ပြန်ထိုးထဲ့ ခဲ့မယ်။
တာဝန်ခံ။ ။ဒီလောက်သေချာနေရင် ခင်ဗျား က သူ့ ကိုယ်ရံတော်တပ်အရာရှိတို့ ဘာတို့  ဖြစ်မယ် ထင်တယ်။ လေစားပါတယ်ဗျာ။ ခင်ဗျား နအဖ ကိုဆန့် ကျင်တဲ့ ပြည်သူဘက်သား တစ်ယောက်အနေနဲ့ ကြိုဆိုပါတယ်။ ကျနော်တို့ ခင်ဗျားကို အကာအကွယ်ပေးဖို့ လဲကြိုးစား ပါမယ်။
လူစိမ်း။ ။မလိုဘူးဗျာ။ အဓိကက ပိုက်ဆံပဲ။ သတင်းစာစောင့်ဖတ် အဲဒီပုံစံနဲ့  သေတယ် သတင်းပါလာရင် ကမ္ဘောဇဘဏ် အကောင့်နံပတ် xxxxxxxxxx ကို သာ ပိုက်ဆံလွဲလိုက်၊ မြဝတီဘဏ်ခွဲကနေလွဲ ငွေသိပ်များတော့ အဲဒီဘဏ်ရဲ့ တာဝန်ခံ ဦးxxx ကနေတဆင့်လွဲ ဟုတ်ပြီလား။ ဒေါ်လာပေးလဲ ရတယ်။
တာဝန်ခံ။ ။စိတ်ချပါဗျာ။ အောင်မြင်ပါစေရဲဘော်။
လူစိမ်း။ ။ပိုက်ဆံပဲ အရေးကြီးတယ် ကျန်တာအရေးမကြီးဘူး။ ကျုပ်အကုန် စီစဉ်ပြီးသား။ ငှဲငှဲငှဲ
ဆုငွေတာဝန်ခံကော်မတီ ဝင်များလဲ အဲဒီအမူးသမား အသံနဲ့ လူဖုန်းဆက်ပြီးနောက်ပိုင်း သတင်းဆိုဒ်တွေ၊ ဘလော့တွေ၊ ပြည်တွင်းသတင်းစာတွေ မလွတ်တန်းထိုင် ဖတ်ရင်း သတင်းကိုမျှော်နေတာပေါ့လေ။ လုပ်ကြံမှုအောင်မြင်တဲ့ သတင်းပဲပါလာမလား။ ကိုယ်ရံတော် တပ်က ဗိုလ်တစ်ယောက်ယောက် လုပ်ကြံရန်ကြံစည်မှုနဲ့ အဖမ်းခံရမဲ့ သတင်းများပါလာမလား ဆိုတဲ့ မျော်လင့်ချက်နဲ့ ပေါ့လေ။ တဖက်ကလဲ ရူးကြောင်မူးကြောင်စိတ်ကူယဉ်ဆန်ဆန်တွေးပြီ ပြောများသွားသလား။ ဒါမှမဟုတ် ဘဏ်တွေဘာတွေပါ အသေးစိတ်ပါလာတယ် ဆိုတော့လဲ အားကိုးလောက်တဲ့ အဖွဲ့ အစည်းတစ်ခုများ ပြည်တွင်းမှာ ပေါ်ပေါက်နေပြီးလား အစသဖြင့် တွေးလိုက်၊ ငြင်းလိုက်နဲ့ နေ့ လာလိုက်တာ တပတ်လောက်ထိ ဘာမှမထူးခြားတဲ့ အခါတော့ စိတ်လျော့ ရမလို ဖြစ်နေပါရောလား။ ဖုန်းဆက်တဲ့ရက်က နေ ၈ ရက်မြောက်တိတိမှာ နိုင်ငံတကာသတင်းဆိုဒ် တွေ၊ ဘလော့တွေနဲ့  သတင်းစာတွေ မှာ ဗိုလ်သန်းရွှေ အလုပ်ကြံခံ ရတဲ့ သတင်းတွေဝေဝေ ဆာဆာနဲ့ ပါလာပါတော့တယ်။ ဓာတ်ပုံတွေ မှာပါတဲ့ ပုံကလဲ နှဖူးအလည်တဲ့တဲ့မှာ အပေါက် လေးနဲ့ ၊ လက်မကို ပါးစပ်ထဲကိုက်ထားပြီး ကွေးကွေးလေး လဲကျနေတာလဲသေချာပါတယ်။ ဒီတော့ ဆုငွေတာဝန်ခံကော်မတီလူကြီးများလဲ မဲဆောက်မှာ ရှိတဲရဲဘော်တွေ ဆီကိုငွေလွဲ၊ အဲဒီကမှ တဆင့် မြဝတီဘက်ကူး၊ ဘဏ်ရောက်တော့လဲ အဆက်အသွယ် လုပ်ရမဲ့ ဘဏ့်တာဝန်ခံ ဦးxxx ကလဲ အသင့်စောင့်ကြိုလို့ ပေါ့လေ။ ငွေလွဲတဲ့ လူတွေရော ငွေလက်ခံတဲ့ လူတွေပါ တပြုံးပြုံး နဲ့ ပေါ့။ ငွေတွေရေနေတဲ့ အချိန် ဘဏ်ကဧည့်ခံ ထားတဲ့ လက်ဘက်ရည်တွေ၊မုန့် တွေစားကြသောက်ကျနဲ့ ပေါ။ အားလုံးရေတွက်ပြီးသွားတဲ့ အခါ မှာတော့
ဦးxxx။ ။ငွေလဲပြည့်ပါတယ် ခင်ဗျာ။ ခုလို ချက်ချင်းလာပို့ ပေးတဲ့အတွက်ကျေးဇူးတင်ပါတယ်။
ငွေပို့ သူ။ ။ကျနော်တို့ ဘက်က သိတတ်ရမှာပေါ့ဗျာ။ ဒါနဲ့ ငွေလွဲခဘယ်လောက်ကျပါလဲ ခင်ဗျာ။
ဦးxxx။ ။ဟာပေးစရာမလိုပါဘူးခင်ဗျာ။ FOC ပါ။ ဒါက ခင်ဗျားတို့ ငွေလာပို့ တဲ့လူ နှစ်ယောက် အတွက် အကျိုးဆောင်ခ ဒေါ်လာ ၁၀၀၀ စီ။ ပေါင်း ၂၀၀၀ ရေကြည့်ပါဦး။
ငွေပို့ သူ။ ။ဟုတ်ကဲ့ပါ ကြည့်ရတာအခြေအနေကလဲ အေးချမ်းပုံပါပဲ။ သတိတော့ထားဗျာ။ သိပ်မရဲတင်း စေချင်ဘူး။ ဒီလိုကိစ္စဆိုတာ အန္တရယ်ကြီးတယ်ဗျ။ ဘယ်လိုပဲ ဖြစ်ဖြစ်ခင်ဗျားတို့  လူစုရဲ လုပ်ရပ်နဲ့ သတ္တိကိုတော့ လေးစားပါတယ်။ နိုင်ငံမှာ ခင်ဗျားတို့ လို လူတွေချည်းဆို ကျုပ်တို့  တိုင်းပြည်ကောင်းစားပြီဗျ။
ဦးxxx။ ။ ဟုတ်ကဲ့ပါ။ ဟုတ်ကဲ့ပါ။
ငွေပို့ သူ။ ။မသိလို့ တစ်ခုမေးပါရစေ ဖြေလို့ မရရင်လဲ ကိစ္စမရှိပါဘူး။ ကျနော်တို့ ခုငွေပို့ တဲ လူရဲ့ နာမည် ၊လျှို့ ဝှက်အမည် ဖြစ်ဖြစ်ပေါ့ ခင်ဗျာ ပြောလို့ ရမလား။ ကျနော်တို့ သေချာ မှတ်တမ်းလေး ရေးထားချင်လို့ ပါ။
ဦးxxx က မျက်မှောင်ကျုတ်ပြီး ပြန်ပြောလိုက်တာကတော့
“ဟာ ခင်ဗျားတို့ မသိသေးဘူးလားဗျာ ဒီလာက် တစ်တိုင်းပြည်လုံး အုပ်အော်သောင်းနင်း ဖြစ်နေတာကို ။ ခုနပဲ သူ ကာကွယ်ရေးဦးစီချုပ်အသစ်စက်စက်အနေနဲ့  တီဗီကနေ
မိန့် ခွန်းပြောသွားတယ်လေဗျာ။”

ဒွန်ကွီးဇိုး