ရွှေဝါရောင် တော်လှန်ရေး ရဲ့  အနစ်သာရဟာ ၉၀ ရွေးကောက်ပွဲ အသက်သွင်းရန် မဟုတ်

ခုရက်ပိုင်း နအဖ ဘက်တော်သား ဘလော့များ၊ ဟိုလိုလို ဒီလိုလို ဘလော့များ မှာ သတင်းစာရှင်းလိမ် ပွဲ နဲ့ ပတ်သက်တဲ့ ပို့ တော်တော်များများ ရေးသားနေတာကိုတွေ့ ရ ပါတယ်။ အဓိကကတော့ ဟုတ်သော်ရှိမဟုတ်သော် ရှိ နအဖ ရဲ့ လမ်းပြမြေ ပုံကို ထောက်ခံ ရေး ဆိုတဲ့ လမ်းကြောင်း ကို အတင်းရောဇွတ်ရော ဆွဲယူရေးသားနေကြတာပဲ ဖြစ်ပါတယ်။ စင်ပေါ်တင်ပေးသလို ဖြစ်မှာ စိုးတဲ့ အတွက် ဘယ်မှာဖတ်ခဲ့တယ် ဆိုတာတော့ မပြောတော့ပါ ဘူး။ ဟိုဘက်လိုလို ဒီဘက်လိုလို ခွနေတဲ့ ဘလော့တစ်ခုမှာ ရေးထားတဲ့ အဲဒီ ဆောင်းပါးနဲ့  ပတ်သက်ပြီး နည်းနည်း ရှင်းလင်းစရာလေးတွေ ရှိလို့ အခုဆောင်းပါကိုရေးလိုက်တာပါ။

အစကတည်း က ဒေါ်အောင်ဆန်းစုကြည် ကို တန်းတူရည်တူဆွေးနွေး ဘက်အဖြစ် သတ်မှတ် လက်ခံခဲ့ တာမဟုတ်ကြောင်းကို တော့ နိုင်ငံရေး အကျဉ်းသား အဖြစ်ဆက်လက် ထိန်းသိမ်း ထားတာ တစ်ခုနဲ့ တင် တခြားသက်သေ ရှာနေဖို့ မလိုအပ်တော့ပါ။ ဆွေးနွေးပွဲ ကျင်းပဖို့  ပြင်ဆင်တာတွေ၊ အကျဉ်းသားလွတ်ပေးတာ တွေ ဆိုတာ ဟန်ပြလုပ်ဆောင်မှု သက်သက်ဖြစ် ပါတယ်။ တကယ်လက်တွေ လွတ်ပေးတယ်ဆိုတဲ့ နိုင်ငံရေး အကျဉ်းသား ဆိုတာ လွတ်ပေးတဲ့ အကျဉ်းသား ဦးရေ နဲ့ ချိန်ကြည့်ရင် တစ်ရာခိုင်နှုန်းတောင် မရှိဘူးဆိုတာလဲ အားလုံးသိပြီးဖြစ် ပါတယ်။

စက်တင်ဘာတော်လှန်ရေး ပြီးပထမဆုံး အကြိမ်သတင်းစာ ရှင်းလင်းပွဲ ဖြစ်တဲ့ အတွက် ပြည်တွင်းပြည်ပ ရဲ့ စိတ်ဝင်စားမှု၊ အာရုဏ်ကျမှုကို တော်တော်လေးရတယ်လို့ ပြောလို့  ရပါတယ်။ ဒါပေမဲ့ အရင့်အရင် က သတင်းစာရှင်းလင်းပွဲ တို့ လို့ ပါပဲ ရှိသမျှအပေါက် အကုန်ပိတ် ပြီးလုပ်ဇာတ်တွေခင်း တာပေါ့ဗျာ။ ဗိုလ်ကျော်ဆန်း၊ ဗိုလ်ခင်ရီ တို့ တာဝန်ခံ ကျင်းပတဲ့ သတင်းစာ ရှင်းလင်းပွဲ ဆိုတော့လဲ ထုံးစံ အတိုင်း ဇွတ်ဒရွတ် ဖန်တီးထားတဲ့ ဇာတ်လမ်းတွေကို ကိုယ့်စာရိတ်ကိုယ်စား နားထောင်၊ ဇာတ်တိုက်ထားတဲ့ မေးခွန်းတွေမေး ဆိုတာထက် ဒီသတင်းစာ ရှင်းလင်းပွဲရဲ့  ထူးခြားချက်က အတိုက်အခံအားလုံး နဲ့  ကမ္ဘာနိုင်ငံအား လုံးကို တစ်ဘက်လှည့်ပြီး ရာဇသံပေးလိုက်တယ် လို့  ထင်ပါတယ်။ ဒါကတော့ လမ်းပြမြေပုံ အတိုင်း ရှေ့ ဆက်သွားမယ် ဆိုတာ တစ်ဘက်လှည့်နဲ့  အသိပေး ပြောဆို သွားတာဖြစ်ပါတယ်။

ဖွဲ့ စည်းပုံ အခြေခံဥပဒေ ရေးဆွဲရေး နဲ့ ပတ်သက်လို့ ဒေါ်အောင်ဆန်းစုကြည် နဲ့ NLD ရဲ့  အခန်းကို လဲ လုံးဝ ထဲ့ သွင်း တွက်ချက်ခြင်း မရှိတာကို တွေ့ ရပါတယ်။ နအဖ ဟာ အချိန်ဆွဲဖို့ နဲ့  နိုင်ငံတကာ ဖိအား လျော့ကျရေး အတွက် ဒီ ဆွေးနွေးပွဲ ကို ယောင်ပြလက်ခံ ခဲ့တယ် ဆိုတာကို အစောကတည်းက သိရှိခဲ့ပြီးဖြစ်ပေမဲ့ ဒီလောက်မြန်မြန်ဆန်ဆန် မျက်နှာပြောင် တိုက် ပြီးဆွေးနွေးပွဲ ကို ကြောခိုင်းမယ် လို့ တော့ ဘယ်သူမှ ခန့် မှန်းမိမယ် မထင်ပါဘူး။ ခုဟာကတော့ ဒေါ်အောင်ဆန်းစုကြည် ဆွေးနွေးသည် ဖြစ်စေမဆွေးနွေး သည်ဖြစ်စေ အမျိုးသားညီလာခံ ရဲ့ ဆုံးဖြတ်ချက်အတိုင်း ဖွဲ့ စည်းပုံ အခြေခံ ဥပဒေ ကို စတင်ရေးဆွဲတော့ မှာ ဖြစ်ပါတယ်။ ဒေါ်အောင်ဆန်းစုကြည် ဆွေးနွေးလို့ လဲ ဘယ်လို ဥပဒေ တစ်ခုမှ ဖြစ်လာမှာ မဟုတ်သလို ၊ မဆွေးနွေးလို့ လဲ ဘယ် ဥပဒေတစ်ခုမှ ချန်ခဲ့မှာ မဟုတ်ပါဘူး။ အဲဒီတော့ နအဖ အနေနဲ့  ဆက်ဆွေးနွေးလဲ ဆွေးနွေးဘက်တွေ ကို ထမင်းသိုးဟင်းသိုး အနေနဲ့ သဘောထားမယ် ဆိုတာ ထင်ရှားနေပါပြီ။

ဒေါ်အောင်ဆန်းစုကြည် နဲ့ တွေ့ ဆုံဆွေးနွေးမဲ့ အဓိက အချက်ဆိုတာက လဲ စစ်တပ်နဲ့  အတိုက်အခံပြန်လည် သင့်မြတ်ရေး သက်သက်ဖြစ်တယ် ဆိုတာကလည်း တော်တော်ရီစရာ ကောင်းတဲ့ အချက်လို့ ပဲမြင်ပါတယ်။ ဒေါ်အောင်ဆန်းစုကြည်ကို အမျိုးသားခေါင်းဆောင် တစ်ယောက်အနေနဲ့့လေးစား ပါတယ်။ ဒါပေမဲ့ ဒေါ်အောင်ဆန်းစုကြည် နဲ့ အဆင်ပြေရင် အတိုက်အခံအားလုံး နဲ့ အဆင်ပြေမယ်ဆိုတဲ့ တွေးလုံးကတော့ တော်တော် နိမ့်ပါးလွန်းတယ် လို့ ထင်ပါတယ်။ ဒေါ်အောင်ဆန်းစုကြည် နဲ့ စစ်တပ်ဘယ်လောက်အဆင်ပြေပြေ စစ်တပ်ရဲ့  ဖက်ဆစ်ဆန်တဲ့ လုပ်ရပ်တွေ လမ်းစဉ်တွေကို မစွန်လွတ်သမျှ ပြည်သူဟာ စစ်တပ်ကို လက်ခံနိုင်လိမ့်မယ် မဟုတ်ပါဘူး။ သွေးရူးသွေးတန်း အတွေးအခေါ်သက်သက်နဲ့ သာ ဒီစကား မျိုးကို အရှက်ကင်းကင်းပြော သွားတာဖြစ်ပါတယ်။ အစောကတည်း က မှန်တာကို လုပ်ခဲ့ တယ် ဆိုရင် ပြည်သူလူထု ဟာ နလပိန်းတုံး မဟုတ်ပါဘူး။ ပြည်သူဆိုတာ အစဉ်အဆက် အမှန်တရား ဘက်ကနေခဲ့တာပါ။ အာဏာရှင် ကိုလက်မခံခဲ့တာပါ။

နောက်ထပ် ရီစရာကောင်းတဲ့ အချက်က ပြည်သူ့ ဆန္ဒခံယူပွဲ လုပ်ပြီး ဖွဲစည်းပုံကို အတည်ပြု မယ် ပြီးတော့ တရားမျှတတဲ့ ရွေးကောက်ပွဲ ကျင်းပမယ်၊ အဖွဲအစည်းတိုင်း လွတ်လပ်စွာပြော ဆိုစည်းရုံးခွင့် ရှိမယ်ဆို တဲ့ အချက်တွေပါပဲ။ ပြည်သူဆန္ဒကို နအဖ ဘယ်လိုခံယူလေ့ရှိတယ် ဆိုတာလူတိုင်း သိပြီးဖြစ်ပါတယ်။ ကျောင်းသားတွေ၊ ရုံးဝန်ထမ်းတွေ၊ ဆရာဆရာမတွေ နောက် သူတို့ ရဲ့ ခါးပိုက်ဆောင် အဖွဲ့ အစည်းတွေကို နီးစပ်ရဘောလုံးကွင်းထဲ ဆွဲသွင်း ပြီးတော့ စင်ပေါ်ကပြော သမျှထောက်ခံပါတယ် အော်ခိုင်း နဲ့ လုပ်ယူထားတဲ့ ပြည်သူ့ ဆန္ဒတွေ ချည်း ခံယူလာတာ ဆယ်စုနှစ်နှစ်ခုနားကပ်နေပြီ။ နောက်လွတ်လပ်စွာ စည်းရုံးဟောပြောခွင့် ဆိုတာလဲ ဘာမှ မစည်းရုံးမဟောပြောပဲ လမ်းပေါ်လှည့် မေတ္တာပို့ နေတဲ့ သံဃာတွေကို တောင် ရက်ရက်စက်စက် သတ်ဖြတ်တဲ့ အစိုးရဆီ ကနေ ဘယ်လို လွတ်လပ်စွာ ဟောပြော စည်းရုံးခွင့်မျိုး မျော်လင့်နိုင်မလဲ ဆိုတာတော့ ကျနော်တော့ တွေးကြည့်လို့ ကိုမရဘူး။ နောက် ရွေးကောက်ပွဲ ဆိုတာလဲ တောထဲကဆင်ကို ခမဲပေးသလို ပါပဲ။ ၁၉၉၀ ရွေးကောက်ပွဲ ရလဒ်ကို တောင် အကြောင်းပြချက်ပေါင်း များစွာနဲ့ မျက်နှာပြောင်တိုက် ငြင်းပယ်ခဲ့ သေးတာပဲ ။ အာဏာရဲ့ အရသာကို နှစ်နှစ်စာလောက် မြည်းစမ်းခွင့်ရတဲ့ အချိန်ကတည်း က မလွတ်တမ်း ဖက်တွယ်ထားတဲ့ စစ်အစိုးရအနေ နဲ့  အနှစ် နှစ်ဆယ်စာလောက် အရသာတွေ သိတဲ့နောက် ထပ်အရူးကွက်နင်း ဦးမယ်ဆိုတာ အလွယ်တကူ သိထားနိုင်ပြီးဖြစ်ပါတယ်။ အထက်ပါ အချက်တွေ ကတော့ နအဖ သတင်းစာရှင်းလင်း ပွဲ ရဲ့ ဆိုလိုရင်းတွေ အပါ် ကျနော် တတ်နိုင်သလောက် ပြန်လည်း ဆွေးနွေးထားတာဖြစ်ပါတယ်။

အခု အခြေအနေ မှာ စစ်အစိုးရ ဘက်က ရန်စည်းဖြတ်ပေးလိုက်ပြီ ဆိုတာကို ကျနော်တို့  ဒီမိုကရေစီ ဘက်တော်သား အများစုသိပြီး ဖြစ်ပါတယ်။ ငြိမ်းချမ်းစွာ အသွင်ပြောင်းရေးတို့  အထီကျန်မှုဖြင့် အာဏာရှင် ဖြုတ်ချရေးဆိုတာတွေ ဖြစ်လာဖို့ အခွင့်အရေးတော်တော် နည်းပါးသွားပြီ ဖြစ်ပါတယ်။ အာဏာရှင်ပါဝ နအဖ ဟာ လက်ရှိအနေအထား မှာ ကြေးစား ဘလောဂါတွေ ကြေးစား မီဒီယာတွေ ထူထောင်ပြီး တော်လှန်ရေး စိတ်ရှိသူတွေ တွေဝေယိမ်း ယိုင် အောင် တန်ပြန်ထိုးနှက်နေပါတယ်။ တစ်ချို့ ဆောင်းပါးတွေ ဆိုရင်စေတနာ ဗရဗွနဲ့  တင်ပြဆွေးနွေး ဟန် နဲ့  လူထုကို အာရုံပြောင်းဖို့ အားထုတ်နေတာကို တွေ့ ရပါတယ်။ အထင်ကရအတွေ အခေါ် လမ်းကြောင်းကတော့ နအဖ နဲ့ ပူးပေါင်းပြီ လမ်းပြမြေပုံ လက်ခံကြိုဆို ရေးသက်သက်ဖြစ်တယ် ဆိုတာပါပဲ။

ကျနောဖတ်ခဲ့တဲ့ ဆောင်းပါးတစ်ခုရဲ့ အာဘော်မှာဆိုရင် အတိုက်အခံတွေ အနေနဲ့ ၉၀ ရွေးကောက်ပွဲ ရလဒ်ကို အသက်သွင်းဖို့ မကြိုးစားသင့်တော့ဘူးဆိုတဲ့ အကြောင်းနဲ့  အစိုးရဖြုတ်ချ ရေး လမ်းကြောင်းကို မသွားသင့်တဲ့ အကြောင်း စေတနာသံနှောပြီး လူငယ်ထု ကို တွေဝေအောင် ကြိုးစားနေတယ်လို့ ထင်ပါတယ်။ တကယ်တမ်းပြောကြကြေး ဆိုရင် ဘယ်သူမှ သွေးထွက်သံယိုအဖြစ်မခံ ချင်ကြပါဘူး။ စစ်တပ်ကသာ အရင်ကတည်းက နားလည်မှု ရှိရှိနဲ့  ဒီမိုကရေစီအရေ ကိုဖော်ဆောင်ခဲ့မယ်ဆိုရင် မကြာသေးခင်က ပေါ်ပေါက်ခဲ့ တဲ့ စက်တင်ဘာတော်လှန်ရေး ဆိုတာလဲ ပေါ်လာခဲ့မယ်မဟုတ်ပါဘူး။ ကျနော်တို့  မြန်မာတိုင်းရင်းသားတွေ ဆိုတာ တတ်နိုင်သရွေ့ ကိုယ့်ထမင်းကို ယက်ခပ်စားပြီး အေးအေး နေချင်ကြတဲ့ လူတွေပါ။ သူများကို ဒုက္ခမပေး တတ်သလို့ ကိုယ်ကိုကိုယ် ဒုက္ခဖြစ်စေမဲ့ အဖြစ် မျိုး ကိုလဲ တတ်နိုင်သလောက် ရှောင်ချင်တဲ့ လူတွေချည်းပါပဲ။

ကိုယ့်အပေါ်ပါးရိုက် နားရိုက် ဂျပန်ဖက်ဆစ်တွေကို တောင် အသက်ခံရမှာ စိုးရိမ်လို့  ဖွက်ပေးထားခဲ့ တဲ့ အဖြစ်အပျက်တွေ မနည်းပါဘူး။ ကိုယ်နဲ့ လူမျိုးတူ စစ်တပ်အပေါ်မှာ ဝါဒ အရ လက်မခံနိုင်တာ ကလွဲလို့  မုန်းတီးစိတ်လဲကြီးကြီး မားမားမရှိပါဘူး။ တကယ် ဒီမိုကရေစီ စနစ်ကို သွားချင်တယ်ဆိုရင် စက်တင်ဘာတုန်းက ဖမ်းစည်းထားတဲ့ သံဃာတော်တွေ ၊ ဒေါ်အောင်ဆန်းစုကြည်၊ ဦးဝင်းတင် တို့ လို့ NLD ခေါင်းဆောင်တွေ ၊ ၈၈ မျိုးဆက် ကျောင်းသား တွေ နဲ့ လူငယ်ကျောင်းသားတွေ အစရှိတဲ့ နိုင်ငံရေး အကျဉ်းသားတွေကို အရင်လွတ်ပေး ချင်းအားဖြင့် စစ်အစိုးရအော်နေတဲ့ နိုင်ငံအပေါ်ထားတဲ့ စေတနာဆိုတာကြီး ကို လက်တွေ့ ပြနိုင်ပါတယ်။ ဒေါ်အောင်ဆန်းစုကြည် နဲ့ ဆွေးနွေးနေဖို့ မလိုပါဘူး။ လူထုကို ခြိမ်းခြောက်ဖမ်းဆီးနေဖို့  မလိုပါဘူး။ တကယ်စေတနာအမှန် နဲ့  အဘက်ဘက်က မှတ်ကျောက်အတင် ခံနိုင်တဲ့ လမ်းပြမြေပုံ ဖြစ်တယ် ဆိုတာကို ဒီလုပ်ရပ်တစ်ချက်ထဲ နဲ့ ပဲ သက်သေပြလို့ ရပါတယ်။

ခုချိန်ထိ နှစ်ပေါင်းများစွာ ဥပဒေမဲ့ ထိန်းသိမ်းထားတဲ့ အကျဉ်းသားတွေ ရှိနေသမျှ စစ်မှန်တဲ့ ဒီမိုကရေစီ ဆိုတာနဲ့ လွတ်လပ်စွာ ဆန္ဒဖော်ထုတ်ရေး ဆိုတာတွေကို ပြည်သူလူထုအနေနဲ့  ဘယ်လို ဦဏှောက် ဘယ်လို အသိဥာဏ်နဲ့ လက်ခံပေးရပါ့မလဲ။ တကယ်လူထုတောင်းဆို နေတာ က NLD ကိုအာဏာလွဲ ပြောင်းရေး မဟုတ်ပါဘူး။ လွတ်လပ်စွာ၊ လူပီသစွာ ဘယ်သူ မျက်နှာမှ ကြည့်စရာမလို ပဲ လူအခွင့်အရေး ပြည့်ပြည့် စားဝတ်နေရေး ပြေလည်စွာ နေထိုင်ဖို့  ပါ။ အခြေခံဥပဒေကို လူထုက သဘောတူတာနဲ့  ရွေးကောက်ပွဲ ကို ကျင်းပမယ် ၊ အတိုက် အခံတိုင်း ပါတီတည်ထောင်ခွင့် ရှိမယ် ၊ လောလော ဆယ်တော့ တိုင်းပြည် ချောက်ထဲကျမှာ ဆိုလို အတိုက်အခံတွေကို့ ဖမ်းထားရပါတယ် ဆိုတာကလဲ တော်တော် ယုတ္တိကင်းမဲ့ တဲ့ အကြောင်းပြချက်တစ်ခုပါတယ်။ တကယ်တမ်းသာ တိုင်ပြည်ချောက်ထဲဆွဲ ချမဲ့ လူတွေဆို ဘယ်အချိန်လွတ်လွတ် ချောက်ထဲဆွဲချမှာပါပဲ။ အခြေခံဥပဒေရေး ဆွဲ ပြီးရင်တော့ တိုင်းပြည် ဘာဖြစ်ဖြစ်ဆိုတဲ့ သဘောများ သက်ရောက်နေတယ်လို့ မတွေး မိဘူးလား ဆိုတာလဲ မေးချင်ပါတယ်။

တကယ်တော့ နအဖ ဟာ အကြောင်းအမျိုးမျိုး ပြပြီး ဟစ်တလာလို နှစ် တစ်ထောင် အာဏာ တည်မြဲရေး စိတ်ကူးဖဲရိုက်နေတာ ကြာပါပြီ။ ပါးစပ်ကတော့ ခုချိန်ထိလူထုကို အသံကောင်း ဟစ်ပြနေဆဲပါ။ နအဖ အပေါ်ယုံကြည်ထောက်ခံတယ် ဆိုတာတကယ်တော့ နအဖ ကိုမှီပြီ အလုပ်ဖြစ်နေကြ တဲ့ နအဖ အောက်စွဲလက်တစ်ဆုပ် စာလူစုပဲရှိတယ်ဆိုတာလဲ အားလုံးအသိပါ။ ကိုယ့်ကို ကို အောက်စွဲ လို အထင်မခံ နိုင်တဲ့ (အောက်စွဲမဟုတ်ရင်အောက်မ) စာရေးတဲ့ လူတွေကို တစ်ခုတော့ပြော ချင်ပါတယ်။ နအဖ ရဲ့ ဘုန်းတော်ဖွဲ့ ကို ကြိုက်သလို ရေးကြပါ။ ဒါပေမဲ့ စက်တင်ဘာတော်လှန်ရေး ဟာ ခင်ဗျား တို့ စွပ်စွဲ သလို ၉၀ ရွေးကောက်ပွဲ ကို အသက်ပြန်သွင်း ဖို့ မဟုတ်ဘူး ဆိုတာတော့ မြဲမြဲမှတ်ထားပါ။ မြန်မာနိုင်ငံသူနိုင်ငံသား အားလုံ ဆင်းရဲလွန်းလို့ ၊ အနိုင်ကျင့်မခံနိုင်လွန်း လို့  လွတ်လပ်မှုလို ချင်လွန်းလို့  သွေးနဲရေး ပြီးလျှောက်ခဲတဲ့ လမ်းပါ။ ခင်ဗျားတို့ လို့ ဟမ်းဖုံးလေး၊ မြေကွက်ကလေးနဲ့ အနာဂတ်ကို ရောင်းစားနေတဲ့ နအဖ အောက်စွဲတွေသာ နအဖ အာဏာတည်မြဲရေး အတွက် အချင်းချင်း ရိုက်နှက်ရမ်းကား ခဲ့ကြ၊ ကလောင်သရမ်းခဲ့တာပါ။ ခင်ဗျားတို့ ကတော့ သန်းရွှေ ဂုဏော အနန္တော ဂါထာရွတ်ပြီး ထစ်ကနည်းဆို NLD ၊ ဗကပ၊ အဖျက်သမား၊ တိုင်ပြည်ချောက်ထဲကျ ဆိုတာတွေ လက်ညှိုးထိုး ဖို့ လောက်လွဲ လို့ ဘာမှမှ မသိနိုင်တော့တာပဲကိုဗျ။ ခင်ဗျားတို့  အရည်အချင်းပညာတွေ ကိုတော့ နှမျောပါရဲ့ ။ ဒါပေမဲ့ တစ်နေ တော့ ခင်ဗျားတို့ အားလုံးကို့ လူထုက ဒဏ်ခတ်လိမ့်မယ်။

နောက်ဆုံးပြောချင်တာကတော့ လူထုပေါ်တကယ်စေတနာရှိရင် (ဘယ်သူခေါင်းဆောင်တဲ့ အစိုးရ ဖြစ်ပါစေ) လူထုက ဘယ်သူ မြောက်ပေးပေး ဖြုတ်မချဘူး။ လူထုအပေါ် ဆိုးသွမ်းတဲ့ အစိုးရဆိုရင်လဲ (ဘယ်သူခေါင်းဆောင်တဲ့ အစိုးရဖြစ်ပါစေ) ဘယ်သူတားတား လူထုက ဖြုတ်ချမှာ အသေအချာပဲ။ ရွှေဝါရောင် တော်လှန်ရေး ရဲ့  အနစ်သာရဟာ ဒီမိုကရေစီ နိုင်ငံတော်သစ်ကို လူထုအားနဲ့ သွားဖို့ ပထမဆုံးခြေလှမ်းသာဖြစ်တယ်။


မိုးထက်နေ

4 ခုရှိတယ်(မိတ်ဆွေတွေရဲ့အယူအဆ):

Anonymous said...

test

Anonymous said...

နောက်ဆုံးပြောချင်တာကတော့ လူထုပေါ်တကယ်စေတနာရှိရင် (ဘယ်သူခေါင်းဆောင်တဲ့ အစိုးရ ဖြစ်ပါစေ) လူထုက ဘယ်သူ မြောက်ပေးပေး ဖြုတ်မချဘူး။ လူထုအပေါ် ဆိုးသွမ်းတဲ့ အစိုးရဆိုရင်လဲ (ဘယ်သူခေါင်းဆောင်တဲ့ အစိုးရဖြစ်ပါစေ) ဘယ်သူတားတား လူထုက ဖြုတ်ချမှာ အသေအချာပဲ။ ရွှေဝါရောင် တော်လှန်ရေး ရဲ့  အနစ်သာရဟာ ဒီမိုကရေစီ နိုင်ငံတော်သစ်ကို လူထုအားနဲ့ သွားဖို့ ပထမဆုံးခြေလှမ်းသာဖြစ်တယ်။
how so good , i really like these words, pls keep on

Unknown said...

hello ko shwe bo
i agree your idea but one thing i want to say,we did'nt forget 90 election result because it is our people vote.i think NLD don't want to formed government at the moment.they want dilouge with other and to writing constitution for real democracy.everybody must recognize 90 election result.
hta2

Anonymous said...

ဒီပို့စ်အတွက် လုံးဝလေးစား ကျေးဇူးတင်တယ် ကိုမိုးထက်နေ ။ ကျွန်မ ဒီဆောင်းပါးကို ငုရင်ပြင်မှာ အရင်ဖတ်လိုက်ရတာပါ ။ တကယ်ထိထိမိမိ ဖော်ပြပေးတဲ့အတွက် ကျေးဇူးပါ :)