ဘလော့ရေးသူများသို့ 

ကျနော် တို့ စစ်အစိုးရရဲ့ ရူးကြောင်မူးကြောင် နိုင်တဲ့ နောက်ဆုံး လှုပ်ရှားမှုကတော့ ဝန်ထမ်းတွေ၊ ကြံခိုင်ရေးတွေကို ဘလော့ဂါ သင်တန်းတွေ ပေးပြီးတော့ ဘုန်းတော်ဘွဲ့ ရေး ခိုင်းတဲ့ အစီအစဉ်ပဲဖြစ်ပါတယ်။ ကျနော်ဟာ ၂၀၀၇ စက်တင်ဘာလ မတိုင်ခင် အထိ ဘလော့ ဆိုတာကို ကြားဘူးနားဝ ရှိဘူးရုံကလွဲ လို့  လိုက်လဲမဖတ်ဘူး ကိုယ်ပိုင်လဲ ဘလော့မရှိပါဘူး။ အွန်လိုင်း အသိုင်းအဝိုင်းနဲ့ ဝေးတယ်ပဲပြောပြော ကျနော် ဘလော့တွေ၊ ဘလော့ဂါတွေ နဲ့ က ဘုန်းကြီးနဲ့ ဘီးလို ပါပဲခင်ဗျာ။ ဖြစ်ချင်တော့ စက်တင်ဘာ လူထုတိုက်ပွဲတွေ ဖြစ်နေတဲ့ အချိန်မှာ ကျနော် က မြန်မာပြည်နဲ့ တော်တော်ဝေး ပြီး ၊ မြန်မာလူမျိုး တော်တော်နည်းတဲ့ တိုင်းပြည်တစ်ပြည်မှာ ရောက်နေခဲ့ပါတယ်။ အဲဒီ အချိန်မှာ ပဲ ဒီဘလော့ရဲ့ ပိုင်ရှင် ကိုရွှေဘိုသား က ကျနော် ကို စာရေးဖို အကြိမ်ကြိမ့် တိုက်တွန်း တဲ့ အတွက် ကျနော် ဒီဘလော့မှာ စာဝင်ရေး ခဲ့တာဖြစ်ပါတယ်။ ဒါပေမဲ့ ဟိုဘလော့သွားလည်ဒီဘလော့ သွားလည် ဟို Tag ဒီ Tag ဆိုတဲ့ ဘလော့ ယဉ်ကျေးမှုထဲ မှာတော့ ခုထိကျနော် ရှိမနေပါဘူး။ ရှိလာဖို့  လဲ့ မရှိပါဘူး။ ကျနော်တွေ မိတာတွေ ကို လူတွေကို ပြောပြချင်တဲ့ အတွက် ဒီဘလော့မှာ ဆက်ရေးနေတာ ဖြစ်ပါတယ်။ ကျနော့ Personnel ဘလော့တစ်ခု တော့ ရှိပါတယ်။ အဲဒီဘလော့ ကလဲ တစ်စုံတစ်ယောက် ကတိုက်တွန်း လို့ ကျနော် ပြောချင်တဲ့ တသိပုဂ္ဂလ ခံစား ချက်တွေကို ချပြတဲ့ နေရာအဖြစ်တော့ ရှိနေပါတယ်။ အဲဒီတစ်စုံတစ်ယောက်နဲ့  ကျနော် သူငယ်ချင် တစ်ချို့ ပဲ သိတဲ့ နေရာတစ်ခု အဖြစ်ပဲ ရှိနေတာပါ။ ဘာပဲဖြစ်ဖြစ် အဲဒီတစ်စုံ တစ်ယောက် ကျေးဇူး ကြောင့်ပဲ မြန်မာနိုင်ငံသား ဘလော့ဂါတွေ၊ ဘလော့တွေ အကြောင်း သိခွင့် ရခဲ့ပါတယ်။ တစ်ချို့ ဘလော့ဂါများတော့ လဲ ဘလော့ရေးတာကို ပဲ အတတ်ပညာ တစ်ခု လို သွေးနားထင်ရောက်နေ တာကို လဲ တွေရပါတယ်။ ကျနော့ အမြင်ကတော့ ဘလော့ရေးခြင်း ဆိုတာ သာမန်လုပ်ရိုးလုပ်စဉ် တစ်ခု အနေနဲ့  ပဲ မြင်လို့ ရပါတယ်။ သူတောင်း စားတောင် ပိုက်ဆံတတ်နိုင်ရင် ဘလော့ရေး လို့  ရပါတယ်။


ဒီနေတော့ သူငယ်ချင်းတစ်ယောက်ပို့ လိုက်လို့  နာမည်ကြီး လား နာမည်မကြီးလား မသိပေမဲ့ မြန်မာနိုင်ငံသား စစ်စစ်မြန်မာပြည်ထဲမှာနေတဲ့ ဘလော့ရေးတဲ့ လူတစ်ယောက် ရဲ့  ပို့ စ် တစ်ခု ကို ဖတ်လိုက်ရပါတယ်။ အဲဒီမှာပြောစရာလေးတွေ နဲနဲ ရှိလားတဲ့ အတွက် ဘလော့ဆရာမ၊ ဘလော့ဆရာတွေ မေတ္တာပို့ ချင်ပို့ ပါစေတော့ အဲဒီလူနားထဲ ပြန်ရောက်စေ့ ချင်လို့ ဒီစာကို ရေးလိုက်ပါတယ်။

ကျနော်ပဲ အကောင်းမမြင်စိတ်များနေလို့ လားဘာလား တော့ မသိဘူး သူ့ ပထမဆုံးစာပိုဒ်ကို ဖတ်ပြီးနာလည်တာကတော့ တန်ဖိုးရှိတာ လုပ်ဖို့ စိတ်ကူးနေတုန်း ဝန်ထမ်းတွေကို ဘလော့ အကြောင်းဟောပြော ပေးဖို့ ဖိတ်ကြားခံရတဲ့ အကြောင်းရေးထားတာပါ။ ပြည်တွင်းမှာနေပြီး နအဖ ရဲ့ အာဏာစက်ကို ငြင်းဖို့ ဆိုတာတော် တန်ယုံလူအတွက် မဖြစ်နိုင်ဘူးဆိုတာသိပေမဲ့ ဒါကို တန်ဖိုးရှိတဲ့ အလုပ်တစ်ခုအနေနဲ့ တင်စားတာတော့ တော်တော်ကို ဆိုးဝါးတယ်လို့ ခံစား မိပါတယ်။ ဒုတိယအပိုဒ်ကတော့ ကျနော်တို့ မြန်မာနိုင်ငံမှာ ဘလော့ရေး ဖို့  အချိန်တွေ၊ ငွေတွေ ဘယ်လောက်ရင်းထားရတယ် ဆိုတာကို ရေးထားပါတယ်။ အဲဒီထဲ မှာ စိတ်မကြေလည် စရာကောင်းတဲစာပိုဒ်ကတော့ “အခု ဖြစ်ပြီးသွားတဲ့ အရေးအခင်းမှာ နာမည်အကြီးဆုံးက မြန်မာဘလော့ဂ်တွေပဲ။ နိုင်ငံခြားက လူတွေကလည်း တကယ်ကို ဂုဏ်ပြုချင်တာလား၊ မတာလား၊ မစာနာတာလား မသိဘူး စောက်သရမ်းတွေ ချီးမွမ်းခန်း ဖွင့်လိုက်ကြတာနဲ့ သိပ်မကြာခင်ဘဲ ဘလော့ဂ်ကို ပိတ်ထည့်လိုက် ပါတော့တယ်။” တာဝန်ကျေတဲ့ ဘလော့ရေးသားသူ အချို့ ကို ချီမွမ်းတာဖြစ်ပါလိမ့်မယ်။ နောက်သူသုံးထား တဲ့ အခြေအနေရောက် သည်အထိ ချီးမွမ်းတယ် ဆိုတာတော့ ကျနော်လက်မခံနိုင်ပါဘူး။ နောက်တစ်ခု က အဲဒါတွေကြောင့် ဘလော့တွေ ပိတ်လိုက်တယ် ဆိုတာလဲ အတွေးတိမ်လွန် တယ်လို့ မြင်ပါတယ်။ နအဖ ဟာ သူတို့ အကြောင်း အမှန်ရေးတဲ့ ဘယ် Media ကိုမဆိုတားဖို့  ကြိုးစားမှာဖြစ်ပါတယ်။ အင်တာနက်သတင်းဌာနတွေ ကိုလဲ တားထားတာပဲ ဖြစ်ပါတယ်။

ဒီဘလော့သင်တန်းမှာ ပါဝင် ပို့ ချသူတွေကတော့ သောင်းစုငြိမ်း ၊ ရဲ မြတ်သူ ၊ ဦးကိုကို ဆိုတဲ့ နအဖနဲ့  အကျိုးစီးပွားတူ ပညာရှင်တွေရယ် ဘလော့ရေးတဲ့ ဇော်မိုးအောင်၊ ညီလင်းဆက်တို့  ဖြစ်တယ် လို့ အသိပေးထားပါတယ်။ ဒါဟာတစ်ဘက်က ကြည့်ရင် ရိုးရိုးသားသား ထုတ်ဖော် ပြောတယ်လို့ တွေးလို့ ရပေမယ့် ကျနော်ကတော့ ကိုယ့်ပေါင်ကို လှန်ထောင်းတယ်လို့ ပဲ မြင်ပါတယ်။ ကိုယ်စိတ်ကြိုက်အားနဲ့ ထောင်းလို့ ရတာပေါ့ ဗျာ။ သူများထောင်းတာ ခံရရင် ပိုနာမှာပေါ့။

ဝန်ထမ်းတွေကို အစိုးရအောက်က လူတွေမို့ ဘလော့သင်မပေး ဘူးဆိုတာမျိုးမဖြစ်သင့်တဲ့ အကြောင်း လျှောက်လွဲချက်ပေးထားတာပါ။ ဒါကိုတော့ လက်ခံပါတယ်။ ဝန်းထမ်းတိုင်းဟာ နအဖ ဘက်က လူမဟုတ်ပဲ အမှန်တွေ ရေးလာနိုင်တယ် ။ မကျေနပ်ချက်တွေကို နာမည်အရင်း နဲ့ မဟုတ်တောင် တခြားဘလော့ နာမည်တစ်ခုနဲ့  ရေးလာနိုင်တယ်ဆိုတဲ့ အထိ ကျနော်လက်ခံပါတယ်။ ဒါပေမဲ့ နအဖ ဖြစ်ချင်နေတဲ့ ဆန္ဒတစ်ခု ကို အကောင်အထည်ဖော် တဲ့ နေရာမှာ ကိုယ့် ပရောဂတော့ ဘယ်နည်းနဲ့ မှ မပါစေချင်ဘူး။ အဲလို မပါအောင်နေနိုင်တာလဲ တော်လှန်ရေး တစ်မျိုးပါပဲ။ အဲဒီမှာ သင်တန်းသွားပေးတဲ့ လူတွေ မသွားနိုင်လို့ နအဖ ရဲ့  ဘလော့သင်တန်းကြီး လုံးဝပျက်သွားမှာ မဟုတ်ပါဘူး။ နောက်ဆုံး ပြည်တွင်းမှာ ရှိတဲ့ ဘလော့ရေးတဲ့ လူအကုန်က သင်တန်းပေးဖို့ ငြင်းဆန်လိုက်ရင် ပြည်ပက ပညာရှင်တွေ ကို နအဖ က ငွေပေးခေါ်ပြီး သင်မှာ ပဲ။ နောက်ဆုံး အဲဒီအတွက် ပိုက်ဆံမသုံး နိုင်ဘူးဆိုရင် တောင် စွေဆောင်းကို ခေါ်သင်ခိုင်းလို့ ရပါတယ်။ ခင်ဗျား အကြောင်းပြချက်က သိပ်တော့ မခိုင်လုံသေးဘူး ကိုယ့် ဆရာရဲ့ ။ သာကီနွယ် လို ဘလော့တွေ ထပ်ပေါ်လာရင် ခင်ဗျား ကြောင့် မဟုတ်ပေမဲ့ ခင်ဗျား တို့ ဟာ ပင်နယံ တစ်ခုဖြစ်တယ် ဆိုတာတော့ ဘယ်လို မှ ငြင်းချက်ထုတ် ဖို့ မကြိုးစားပါနဲ့ ။ အဲလို ဘလော့တွေပေါ်လာ လို့ လဲ လူတွေ က အမှန်နဲ့  အမှား မခွဲနိုင်လောက်အောင် မညံ့ပါဘူး။ ဒါပေမဲ့ မျက်စိတော့ နောက်တာပေါ့ ကိုယ့်ဆရာ ရယ်။

“မြန်မာနိုင်ငံမှာ မီဒီယာ အရမ်းအားနည်းတယ်လို့ စင်္ကာပူနိုင်ငံသား သူငယ်ချင်းက ပြောဖူးတယ်။ အိန္ဒိယနိုင်ငံက အိုင်တီ မန်နေဂျာ တစ်ယောက်ဟာ မြန်မာပြည်ကို ယိုးဒယားရဲ့ အစိတ်အပိုင်းလို့ ထင်နေတုန်းပဲ။ ပြောချင်တာက ဘလော့ဂ်တွေ အများကြီး ဖြစ်စေချင်တယ်။”ကျနော်တို့ နိုင်ငံမှာ မီဒီယာ အရမ်းအားနည်းတဲ့ ကိစ္စကို ဘလော့တွေ များလာချင်း ဆိုတဲ့ ဆေး တစ်မျိုးထဲနဲ့ ကုစားလို့ မရပါဘူး။ လူဦး ရေ သန်း ၆၀ လောက်ရှိတဲ့ တိုင်ပြည်မှာ ဘလော့ ဝင်ကြည့်တဲ့ လူ တစ်နေ ခြောက်ထောင်ရှိသလား စဉ်းစားဖို့ ကောင်းပါတယ်။ နောက် တစ်ကမ္ဘာလုံး မှာ ရှိတဲ့ လူ သန်းခြောက်ထောင် ထဲမှာ ကမ္ဘာပေါ်မှာ အကောင်းဆုံးပါ ဆိုတဲ့ ဘလော့ ကို တစ်ရက် ခြောက်သိန်းလောက် ဝင်ကြည့်နေတာမျိုး ရှိပါသလား။ ကျနော်တော့ ရှိလိမ့်မယ် မထင်ဘူး ။ သူ့ ကောက်ချက်အတိုင်း သာ ဘလော့တွေ ကြောင့် သတင်းတွေ ပျံ့  နိုင်မယ် ဆိုရင် BBC , NHK, CNN က ဝန်ထမ်တွေ အလုပ်ပြုတ်တာ ကြာရော့မယ်။ နောက် တစ်ချက် မြန်မာပြည်ကို အိန္ဒိယ က အိုင်တီမန်နေဂျာ က ယိုးဒယား ရဲ့ အစိတ်အပိုင်း တစ်ခု လို့ ထင်တယ် ဆိုတာလဲ သိပ်အံသြစရာမကောင်းပါဘူး။ ကျနော်လက်ရှိနေတဲ့ နိုင်ငံဆို မီဒီယာ အင်အားလဲ ကောင်းတယ်၊ မီဒီယာ လွတ်လပ်ခွင့်လဲ ရှိပါတယ်။ နောက် ငွေကြေးချမ်းသာပြီး တိုးတက်တဲ့ နိုင်ငံတစ်ခု လဲ ဖြစ်ပါတယ်။ ဒါပေမဲ့ ကျနော် ဒီနိုင်ငံကို လာရမယ် ဆိုမှ ဒီနိုင်ငံရဲ့  အကြောင်း သိတာပါ။ အဲဒီ ကုလားမန်နေဂျာ တစ်ယောက် မသိတာနဲ့ တော့ ဘလော့တွေ များ လာဖို့ ကောင်းတယ်ဆိုတဲ့ ကောက်ချက်က နည်းနည်း ရီချင်စရာ ကောင်းလွန်းပါတယ်။ တကယ်လို့ ကျနော် တို့ ဘလော့တွေ အများကြီးရေးရင်ရော အဲဒီ ကုလားက မြန်မာပြည်ဟာ စစ်ဖိနပ်အောက် က အင်မတန်သနား စရာကောင်းတဲ့ နိုင်ငံဆိုတာ သိလာပါ့မလား။ မည်သို့  ပင်ဖြစ်စေ အဲလိုလူတွေ သိစေချင်ရင် Wikipedia နဲ့  Encarta နှစ်ခု ကို ညွှန်းလိုက်ဖို့ အကြံ ပေးပါတယ်။ နောက်တစ်ခု က မီဒီယာ တွေ ဘယ်လောက် များများ လွတ်လပ်စွာရေး သား ခွင့်အရှိသမျှ အမှန်တရားဆိုတာတွေ ကို ဖော်ပြလို့ ရမှာမဟုတ်ပါဘူး။

ညီလင်းဆက် ရဲ့ ပိုစ် က ဖတ်ရင်းဖတ်ရင်း ဘာဆိုလို ချင်မှန်း မသိပေမဲ့ မြန်မာပြည်ထဲမှာ ဘလော့ပြန်ပွင့်ပေးမလား လို့ သူကြိုးစားခဲ့တယ်လို့ ဆိုချင်ဟန်တူပါတယ်။ ဘလော့ပြန်မဖွင့် လို့  ကျနော်တို့ ဘာမှ မဖြစ်ပါဘူး။ ကျော်လို့ ခွလို့ ရမဲ့ နည်းတွေလဲ ဒုနဲ့ ထေး ပါ။ ဘလော့ရေးတဲ့ လူတွေ သတင်းတို့ ဆောင်းပါးတို့ ရေးချင်ရင်လဲ အပြင်က ကိုယ်နဲ့ နီးစပ် တဲ့ ဘလော့ဂါတွေ ဆီပို အဲဒီလူတွေ က ပိုစ့်တွေတင်ပေးမယ် လို့ ကျနော် တော့ ယုံကြည်တယ်။ ဘလော့ရေး ပြီး နာမည်တည်ဆောက် ချင်တဲ့ လူတွေ အတွက်တော့ သိပ်အဆင်မပြေဘူးပေါ့။ ငါစာ ငါ့ဘလော့မှာ ပဲတင်မယ် ဆိုတဲ့ ဆရာမတွေ ဆရာတွေ အတွက် တော့ မပြောလို ပါဘူး။ နအဖ ဘလော့တွေကို ပိတ်လိုက်ရုံနဲ့ ဗမာပြည်ထဲက သတင်းတွေ ဆောင်းပါးတွေ နိုင်ငံတကာကို မတင်ပြနိုင်တော့ ဘူးဆိုတဲ့ အတွေမျိုး ကတော့ လွန်ခဲ့ တဲ့ အနှစ်နှစ်ဆယ်လောက်က တွေးဖို့ ကောင်းတဲ့ အတွေးအခေါ်ပါ။ နောက် ဘလော့ တွေ ရေးသားခွင့် ရပေမဲ့ ပြည်ပက ဘလော့တွေ ကို ကြည့်ခွင့်မပေး ဘူး ဆိုရင်လဲ ဘာမှ မထူးပါဘူး။ အဲဒီနာမည်နဲ့ ဘလော့ဖွင့်ရင် ဆွဲစိမယ်လို့ ပြောထားရင် စာရေးတဲ့ ညီလင်းဆက် ကိုယ်တိုင်တောင် မဖွင့်ရဲ ပါဘူး လို့ ဝန်ခံထား ပြီးဖြစ်တာ ကိုထောက်ရင် သူတို့ ဘက်ကလူ တွေ တန်ပြန်ဝါဒဖြန့် ဖို့  အတွက် ရေးဖို့ သက်သက် ဖွင့်ပေး တာမျိုး ကတော့ ဘာမှထူးခြား လာမယ် မဟုတ်ပါဘူး။

ဘလော့ရေးတဲ့ရည်ရွယ်ချက်တို့  ဘာတို့  စတဲ့ လက်ချာတွေ ကို သင်ယူထားတဲ့ ပြည်တွင်း နအဖ ဘလော့ဂါအင်အား စု ကလည်း တဖြေးဖြေး တိုးတိုးလာတော့မယ် ထင်ပါတယ်။ အမှန်တော့ ဘလော့ရေးတယ် ဆိုတာ ကိုယ်စိတ်အစာပြေ အောင် ကိုယ်လုပ်ချင်တာကိုယ် လုပ်တယ် လို့ ပဲထင်ပါတယ်။ နိုင်ငံရေး နဲ့ ပတ်သက်တာတွေရေးမှ ဘာမှ မဟုတ်ပါဘူး ကိုယ်ကြိုက်တာ ကိုယ်လုပ်ခွင့်ရှိပါတယ်။ ကျနော် ကိုယ်ပိုင်ဘလော့ မှာဆို နိုင်ငံရေး တစ်လုံး တစ်လေမှ ရေးထားတာမဟုတ်ပါဘူး။ ကျနော် ဒီဆောင်းပါးကို ရေးတဲ့ ရည်ရွယ်ချက်က တစ်ခုထဲ ပါ ပြည်တွင်းမှာ ရှိတဲ့ ဘလော့ဂါတွေ ဘလော့ဆရာ ညီလင်ဆက် ၊ ဇော်မိုးအောင် တို ကို အားကျပြီး ဝန်ထမ်းတွေတို့ ကြုံ့ ဖွတ် တွေတို့ ကို ဘလော့ရေးနည်းသင်တန်း ပို့ ချ ပေးမှာ စိုးရိမ်လို့ ဖြစ်ပါတယ် ခင်ဗျာ။ လူတိုင်း တော်လှန်ရေးလုပ်ဖို့ နအဖ ကို ဆန့် ကျင်ဖို့  မတောင်းဆိုပါဘူး။ နအဖ ရဲ့ လမ်းစဉ်ကို သဘောကျလို့  ကူညီပေးနေတဲ့ လူတွေ ဆိုရင်တော့ ကြိုက်တာလုပ်ပါ။ နောက်မှ ပြည်သူနဲ့ စာရင်းရှင်းတာပေါ့ ဗျာ။ နအဖ ကို လဲမကြိုက် ပေမဲ့ တော်လှန်ရေးမှာ ပါဖို့  အခြေအနေမပေးတဲ့ လူတွေကိုလဲ အပစ်မတင်ပါဘူး။ ဒါပေမဲ့ နအဖ ကို ထောက်ခံလား မထောက်ခံလား ကိုယ့်ဟာကို အရင်ဆုံးတွေးစေချင်ပါတယ်။ တကယ်လို့  ခင်ဗျားတို့ အဖြေ က မကြိုက်ဘူးဆိုဖြစ်ခဲ့ရင် နအဖ နဲ့ အတတ်နိုင်ဆုံး ကင်းအောင်နေတာ ဟာလဲ တော်လှန်ရေး ကို ကူညီရာရောက်တယ် ဆိုတာကို သိစေချင်ပါတယ်။

မိုးထက်နေ

(ညီလင်းဆက် ရဲ့ မူရင်းပိုစ့် ကို http://nyilynnseck.blogspot.com/2007/11/blog-post_08.html မှာ ဖတ်လို့ ရပါတယ်)

1 ခုရှိတယ်(မိတ်ဆွေတွေရဲ့အယူအဆ):

ခင်မင်းဇော် said...

မိုးထက်ရေ.. ညီလင်းဆက် ဘလော့ကို ခုဝင်ဖတ်လို့ မရတော့ဘူး သူ့ က ခွင့်ပြုမှ ရတော့မယ်တဲ့ ဟိ
သူ့ဘလော့လေးတောင်မှ လွတ်လပ်ခွင့်မရှိတော့ဘူး လေ..
အော် သူ့ကို ၀င်ဆဲခံရမှကြောက်လို့ ဖြစ်မယ်..
ဘလော့ဆရာကြီးဆိုပြီး ဘ၀င်မြင့်တာလဲ ရှိမယ်ထင်ပါ့.. (ဒါကတော့ တွေးထင်တာပါ)