သာမန်လူလို တွေးခေါ်ခြင်း (၃)

စက်တင်ဘာလူထုတိုက်ပွဲ တွေပြီးတာ ခုဆို ၁လစွန်းစွန်းရှိခဲ့ပါပြီ။ လက်ရှိလဲ နောင်ထပ်လှိုင်း လုံးတွေ တလိပ်လိပ်တက်နေတဲ့ သတင်းတွေလဲ ကျနော်တို့ ကြားနေရပါတယ်။ လူတိုင်းပြော နေတဲ့ အတိုင်း ဒီတစ်ကြိမ် လူထုတိုက်ပွဲက ၈၈ အရေးတော်ပုံရဲ့ ဒုတိယပိုင်းနဲ့ နောက်ဆုံး အပိုင်းဖြစ်တယ်ဆိုတာလည်း သေချာပါတယ်။ အားတက်စရာကောင်းတဲ့ အချက်တွေက စစ်အာဏာရှင်ရဲ့ ရက်စက်ကြမ်းကြုတ်တဲ့ ဖြိုခွင်းမှုတွေက ကျနော်တို့ ပြည်သူလူထုရဲ့  တော်လှန်ရေးစိတ်ဓာတ်ကို လုံးဝဒုက္ခမပေးနိုင်၊ ရိုက်လဲဖို့ မတတ်နိုင်ဘူးဆိုတာပါပဲ။ တစ်ဘက် က စစ်အာဏာရှင်တွေ ဘက်မှာလဲ ၁၉ နှစ်လုံးလုံး မှာ အဖက်ဖက်က အဆိုးဆုံးအခြေအနေ ကို ရင်ဆိုင်နေရတယ်ဆိုတာလဲ သေချာပါတယ်။ ငွေကြေးဆိုင်ရာ ထိန်းချုပ်မှုတွေ၊ စီးပွားရေး ဆိုင်ရာ ထိန်းချုပ်မှုတွေ ဟာလဲ ထိထိရောက်ရောက် ဒုက္ခပေးနိုင်တာကို တွေ့ ရပါတယ်။

စစ်ဘုရင်ပွဲ
ယေဘူယျ အားဖြင့် စစ်ဘုရင်ပွဲ တစ်ပွဲကိုသေချာထိုင်ကြည့်ရင် ပထမပိုင်းရွှေ့ တဲ့အကွက်တွေ ထက် နောက်ပိုင်း ရွှေ့ ရတဲ့ အကွက်တွေ က ပွဲအနိုင်အရှုံးကို အဆုံးအဖြတ်ပေးတာတွေ့ ရ ပါတယ်။ End Game ကစားတဲနေရာမှာ စိတ်ရှည်တဲ့လူ၊ ပိုပြီးတွက်ချက်နိုင်တဲ့သူက အနိုင်ရ သွားလေ့ရှိပါတယ်။ သိပ်သွေးဆူတဲ့လူက အမှားတွေ့ တာများပါတယ်။ ရှေ့ ပိုင်းအကွက်မှား တွေကို ပွဲစဉ်တစ်ရှောက်လုံးကုစားလို့ ရပေမဲ့ ပွဲသိမ်းကစားနေတဲ့ အချိန်မှာ အကွက်အမှားရွှေ့  မိသွားရင် ကုစားလို့ လုံးဝမလွယ်တော့ပါဘူး။ ပွဲသိမ်းနီးလာလေ တစ်ဘက်နဲ့ တစ်ဘက် ပိုပြီး သတိထား ဂရုစိုက်ဖို့ လိုလာလေဖြစ်ပါတယ်။

လက်ဝဲလက်ယာရှိသေးလား
၁၉၉၁ ရုရှားကွဲ အပြီး မှာ လက်ဝဲ၊လက်ယာတိုက်ပွဲ စစ်အေးတိုက်ပွဲ ပြီးဆုံးခဲ့ပါတယ်။ ဒါပေမဲ့ ဒါဟာဝါဒနှစ်ခု ကျဆုံးသွားတာမဟုတ်ဘူးလို့ ထင်ပါတယ်။ စစ်မျက်နှာတစ်ခု ချုပ်ငြိမ်းသွားခြင်း သာဖြစ် ပါတယ်။ အသွင်ပြောင်းသွားခြင်းသာ ဖြစ်ပါတယ်။ ပိုမိုသိမ်မွေ့ တဲ့ အတွေးအခေါ်နဲ့  လက်ဝဲရောလက်ယာပါ တည်ရှိနေပါသေးတယ်။ အဓိပ္ပါယ်ဖွင့်ဆိုချက်တွေ မတူပေမဲ့ အရင်းရှင် လူတန်းစား၊ ဆင်းရဲသားလူတန်းစား ဆိုတာ ရှိနေသမျှလက်ဝဲ၊လက်ယာဆိုတာ ရှိနေပါလိမ့် ဦးမယ်။ ဒုတိယကမ္ဘာစစ်အပြီးမှာ ကျနော်တို့  ကမ္ဘာဟာပိုမို သိမ့်မွေ့ လာတယ်လို့ ပြောနိုင်ပါ တယ်။ ကမ္ဘာနဲ့ ချီပြီးဖြစ်ရမဲ့ စစ်ပွဲတွေကို ရှောင်လာနိုင်ခဲ့ပါတယ်။ ဒါပေမယ့် ဘယ်လူတန်းစား ကို ကိုယ်စားပြုလဲ ဆိုတာတော့ခုထိရှိနေတုန်းပါပဲ။ အရင်အတိုင်းပြန်မလာ နိုင်တော့ပေမဲ့ ဗဟုပုံစံနဲ့ လက်ဝဲဆန်တဲ့လမ်းကြောင်း၊ လက်ယာဆန်တဲ့လမ်းကြောင်းဆိုတာတော့ ရှိနေပါ လိမ့်ဦးမယ်။ ၁၉ရာစုဆင်းရဲသား လူတန်းစားနဲ့  ခုခေတ်ဆင်းရဲသားလူတန်းစာ ကိုတစ်တန်းထဲ မြင်လို့ မရပါဘူး။ ဘာပဲဖြစ်ဖြစ် ကျနော်တို့ ကမ္ဘာမှာ လက်ဝဲလက်ယာ ပြဿနာကတော့ ထပ်ဖြစ်လာတော့ မယ်မထင်ပါဘူး။ ခုခေတ်အရင်းရှင်တွေကလဲ ပိုမိုပျော့ပြောင်းလာ လို့ ပဲ ဖြစ်ပါတယ်။ လက်ဝဲဆိုတာလဲ ဘယ်သူနဲ့ မှ မဆက်ဆံဘူး တံခါးပိတ်ထားမယ်ဆိုတာမျိုး မဟုတ်တော့ပါဘူး။ကျနော် ခဏခဏတွေး မိတဲ့ မေးခွန်းတစ်ခုဆိုပါတော့။ စစ်တပ်က လက်ဝဲလား၊ လက်ယာ လား၊ ဆိုတဲ့ အတွေးပါ။ ကျနော်တို့  ကမ္ဘာ့သမိုင်းမှာ အာဏာရှင်တွေ အကြိမ်ကြိမ်ပေါ်ခဲ့ ဘူးပါတယ်။ တချို့ ကလက်ဝဲအာဏာရှင်ဖြစ်ပြီး၊ တစ်ချို့ ကလက်ယာ အာဏာရှင်တွေ ဖြစ်တာ ကိုတွေ့ ရပါတယ်။ ဒီကိစ္စကို တွေးစရာမလိုဘူးလို့ အများစုကတွေး လိမ့်မယ်။

ဘယ်လိုအာဏာရှင်လဲ
ကျနော် သေချာပြောနိုင်တဲ့ လက်ယာအာဏာရှင် ကတော့ ဟစ်တလာ ပါ။ လက်ဝဲအာဏာရှင် ကတော့ စတာလင်ကို ပဲလက်ညှိုးထိုး ပြဖို့ ရှိပါတယ်။ ဟစ်တလာ ဆိုရင်လဲ ကမ္ဘာအတွက် လူဆိုးဖြစ်ပေမဲ့ သူ့ ဂျာမန်ကောင်းစားရေးကို အခြေခံထားတဲ့ မျိုးချစ်စိတ်ပြင်းထန်လွန်းတဲ့ အတွက်အာဏာရှင်ဖြစ်သွားတယ်လို့ မြင်ပါတယ်။ စတာလင် ရဲ့ ရက်စက်ကြမ်းကြုတ်မှုတွေ ဆိုတာလဲ သူယုံကြည်ရာ ဝါဒအပေါ်မှာထားတဲ့ အတ္တကြောင့်လို့ မြင်ပါတယ်။ အာဏာကို မက်မောတဲ့ စိတ်ဓါတ်ပေါ်မှာတော့ အခြေခံတာပေါ့။ သူတို့ ကောင်းသည်ဖြစ်စေ မကောင်း သည်ဖြစ်စေ သူတို့ ဝါဒပေါ်မှာတော့ အစွန်းဆုံး သစ္စာထားသွားနိုင်တဲ့လူတွေလို့ ပြောလို့  ရပါတယ်။ အနည်းဆုံး ငါ့နိုင်ငံငါ့လူမျိုးဆိုတဲ့ စိတ်ဓါတ်ကိုတော့ တွေ့ နိုင်ပါတယ်။ ကျနော်တို့  တိုင်းပြည်ရဲ့ လက်ရှိ စစ်အာဏာရှင်တွေ ကတော့ ချပြစရာဘာဝါဒမှ ရှိမယ်မဟုတ်ပါဘူး။အာဏာတည်မြဲရေး အတွက်အထောက်အကူ ဖြစ်မယ့် ဝါဒတိုင်းရဲ့ ဆိုးကွက်တွေ ကို နအဖ ဆီမှာ လေ့လာလို့ ရပါတယ်။

လက်ယာလမ်းကြောင်း
စစ်အာဏာရှင်တွေ တလျှောက်လုံးရပ်တည်လာ တာ စီးပွားရေးလုပ်ငန်းရှင်၊ အရင်ရှင်တွေ နဲ့  အဆင်တပြေဖြစ်အောင်ပေါင်း သင်းမှုနဲ့ ပါ။ကျနော်တို့ နိုင်ငံရဲ့ အောင်မြင်တဲ့စီးပွားရေးလုပ်ငန်း ရှင် တွေရဲ့ နောက်မှာ အာဏာရှင်အသိုင်းအဝိုင်းထဲ က ဗိုလ်ချုပ်တစ်ယောက် ကိုတွေ့ နိုင်ပါ တယ်။ တနည်းအားဖြင့် အကျိုးစီးပွာတစ်ခုထဲ ဖြစ်အောင်လုပ်ယူလိုက်တာပါ။ လက်ကြီးစီးပွား ရေးလုပ်ငန်းရှင် တစ်ယောက်ကို ထိန်းချုပ်ပံပိုးပေးထားနိုင်တဲ့ အတွက်သူရဲ့ လုပ်ငန်းကလူ အများစုကို သွယ်ဝိုက်တဲ့နည်းနဲ့ ထိန်းချုပ်ထားနိုင်တယ်ဆို တဲ့ အချက်ကိုအသုံးချတဲ့သဘော ပါ။ လက်ကြီးစီးပွားရေးသမား တစ်ယောက်ကို မှီခိုနေထိုင်ရတဲ့လူတွေ ရဲ့ အရေအတွက် ဆိုတာကလည်း လုပ်ငန်းအကြီးအသေးအပေါ်မူတည် ပြီးအနည်းအများရှိပါတယ်။ ကံမ္မောဇ ဘဏ် ပိုင်ရှင် ဦးအောင်ကိုဝင်း ကို မွေးထားခြင်းအားဖြင့် တနိုင်ငံလုံးနီးနီးမှာရှိတဲ့ဘဏ်ဝန်ထမ်း တွေနဲ့ အိမ်ထောင်စုတွေကို အနည်းနဲ့ အများချုပ်ကိုင်ထားနိုင်တဲ့ သဘောမျိုးရှိပါတယ်။ သူတို့  တွေးလုံးကလည်း အနည်းနဲ့ အများတော့ထိရောက်ပါတယ်။ ကျနော်တို့ မြန်မာတိုင်းရင်းသား တွေက ကျေးဇူးတရား ဆိုတာကို အလွန်အကျွံသိတတ်တဲ့ အားနည်းချက်ရှိပါတယ်။ ကမ္မောဇ ဝန်းထမ်းတွေလဲ အာဏာရှင်ရဲ့ ဆိုးဝါးယုတ်မာမှုကို သတိမထားမိပဲနေမှာမဟုတ်ပါဘူး။ ဒါပေမဲ့ ဦအောင်ကိုဝင်း ဟာ နအဖ ဒေါက်တိုင်တစ်ချောင်းဖြစ်တယ် ဆိုတာကို တွေးမိတဲ့ လူ က အနည်းစုပဲ ရှိမယ်ထင်ပါတယ်။ ဒီအချက်ကို တွေးမိတဲ့ နအဖဟာ လက်ယာလက်ကြောင်း ကို အခိုင်အမာရပ်တည်ထားတာ ကိုတွေရပါတယ်။ လက်ယာလမ်းကြောင်းရဲ့ ကောင်းတဲ့ အချက်တစ်ချက်တစ်လေကို အသုံးချတာကိုတော့ဒီနေထိမတွေ့ ရပါဘူးခင်ဗျာ။

လက်ဝဲလမ်းကြောင်း
ကွန်မြူနစ်စနစ်နဲ့ ကွန်မြူနစ်ဇင်တွေ ဟာ နအဖ ရဲ့ နံပါတ်တစ်ရန်သူတွေ အဖြစ်ဒီနေ့ အထိ ရှိနေဆဲဖြစ်ပါတယ်။ ကွန်မြူနစ်ဇင်ကို စစ်အစိုးရအဆက်ဆက် (တော်လှန်ရေးကောင်စီ၊ မဆလ၊ နဝတ၊ နအဖ) က အသည်းအသန်ဆန့် ကျင်ခဲ့ပါတယ်။ တန်ပြန်ဝါဒဖြန့် မူတွေလဲ အများကြီးလုပ်ဆောင်ခဲ့ပါတယ်။ ဒီနေ့ ဒီအချိန်အထိ ဘာမှန်းမသိတဲ့ နိုင်ငံရေးလှုပ်ရှားမှုတိုင်း ကို ကွန်မြူနစ်ပါတီကို ခေါင်းစဉ်တပ်တဲ့လေ့ရှိပါတယ်။ ဘာကြောင့်ကွန်မြူနစ်ဇင်ကို မုန်းတယ် ဆိုတာက လည်း အများစုဖြစ်တဲ့ ဆင်းရဲသားလူတန်းစားတွေ အတွက်ရပ်တည်တဲ့ ဝါဒဖြစ်တဲ့ အတွက်ကြောင့်ပဲဖြစ်ပါတယ်။ နောက်ကျနော်တို့ တိုင်းပြည်မှာက ဘယ်လောက်ကောင်းမွန် ပြည့်စုံတဲ့ စနစ်ဖြစ်ပါစေ ဘာသာရေးကို ထိခိုက်လာရင်လုံးဝ လက်ခံနိုင်ခြင်းမရှိပါဘူး။ သခင်သန်းထွန်းနောက်ဆုံးနေများ၊ ဇင်ချစ်နောက်ဆုံး ၂၊ ထို့ ကြောင့်ဤသို. စတဲ့ စာအုပ်တွေ နဲ့  ကွန်မြူနစ်ပါတီနဲ့ ကွန်မြူနစ်စနစ်ကို ဝါဒဖြန့် နှိပ်နင်းထားတာ လက်ရှိစစ်အာဏာရှင်တွေရဲ့  ခေါင်းကိုင်ဖခင်ကြီးလက်ထက်ကတည်းကပါ။ ဗိုလ်ချုပ်အောင်ဆန်း ကိုတိုင် အတွင်းရေးမှုးဖြစ် ဘူးတဲ့ ကွန်မြူနစ်ပါတီကို ကျနော်တို့ နိုင်ငံကလူအများစုရဲ့ အမြင်မှာ မိစ္ဆာဒိထိ ပါတီလို့ မြင် အောင်ဖန်တီ တာပါ။ လက်ရှိကျနော်တို့ နိုင်ငံက လူအများစု က ကွန်မြူနစ်ဆိုတဲ့ အသံကြား လိုက်တာ နဲ့  ဘာသာမဲ့၊ဖြုတ်ထုတ်သတ်ဆိုတာတွေနဲ့ တွဲမြင်နေ တာပါ။ ဒါပေမဲ့ လူဆင်းရဲ အလွှာကို ကိုယ်စားပြုနိုင်တဲ့ အမြတ်ကိုတော့ မရရအောင်ဖန်တီးယူသွားပါတယ်။ ကြက်ခြေနီ၊ အရံမီးသတ်၊ ကြံ့ဖွတ်၊ စွမ်းအားရှင်အဖွဲတွေကို ဖွဲ့ စည်းတာကို ကြည့်ရင်သိနိုင်ပါတယ်။ အဲလို အဖွဲ့ အစည်းတွေဆို တာလူမှုရေးလုပ်ငန်းတွေ အတွက်လိုအပ်တယ်ဆိုတဲ့ အကြောင်းပြနဲ့ ဖွဲ့  စည်းတာဖြစ်ပေမဲ့ တကယ်တမ်း သူတို့ ကိုပေးထားတဲ့လုပ်ပိုင်ခွင့် အာဏာတွေက လူမှုရေး အဖွဲ့ အစည်းတစ်ခုမှာရသင့်တာထက်ပိုပါတယ်။ ဧည့်စာရင်းစစ်တဲ့ ကိစ္စက အစလုံခြုံရေး ကိစ္စ အထိ ဒီအဖွဲ့ အစည်းတွေကို တာဝန်ပေးစေခိုင်းထားပါတယ်။ ကြံ့ဖွတ်မှာ အမြဲတမ်းနဲ့  တက်တက်ကြွကြွပါဝင်နေတဲ့ လူတွေကို ကြည့်ရင် အခွင့်အရေးလိုချင်တဲ့ လူချမ်းသာစီးပွာရေး အသိုင်းအဝိုင်းကလူတွေရယ်၊ လူတွင်ကျယ်လုပ်ချင်တဲ့ ဆင်းရဲ တဲ့အလွှာကလူတွေရယ် ကိုတွေ့ ရမှာဖြစ်ပါတယ်။ ကြက်ခြေနီ၊ စွမ်းအားရှင်နဲ့ အရံမီးသတ်တွေကို ကြည့်မယ်ဆိုရင် တော့ အလုပ်လက်မဲ့ လူတန်းစားတွေထဲက လူတွင်ကျယ်လုပ်ချင်တဲ့လူတွေများပါတယ်။ သာမန်လူလတ်တန်းစားတွေ၊ ကိုယ့်ဘဝကိုနားလည်ပြီး ကြိုးစာမှုရှိတဲ့ ဆင်းရဲတဲ့မိသားစု က လူတွေ အနေနဲ့ ကတော့ ဒီလိုအဖွဲ့ အစည်းတွေမှာ တက်ယောက်ဝါးအချိန်ပြည့်လုပ်နေဖို့  အချိန်မရှိပါဘူး။ ဒီအချက်ကို ကြည့်ခြင်းအားဖြင့် ဒီအာဏာရူးတွေဟာ လက်ဝဲစနစ်ကို လည်း သူတို့ အာဏာတည်မြဲရေး အတွက် လူမိုက်မွေးဖို့ အသုံးချတယ်ဆိုတာတွေရပါတယ်။

အာဏာရှင်ဘယ်လိုစည်းရုံးလဲ
ကျနော်တို့ လူမျိုးတွေက အမှတ်အတေးနည်းတယ်။ ခွင့်လွတ်လွယ်တယ်။ ပျော်ပျော်ရွှင်ရွှင်နေ ရတာကို ကြိုက်တယ်။ အလှုအတန်းကို ဝါသနာပါတယ်။ ဒီအားနည်းချက်တွေအပေါ် နင်းပြီး စည်းရုံးထားတာကိုတွေ့ ရပါတယ်။ ညဘက်ရုပ်မြင်သံကြားသတင်းတွေကို ကြည့်လိုက်ရင် ဘုရားလှည့်ဖူးတာ၊ အလှုလှည့်လုပ်တာကို အမြဲလွင့်ပေးနေတာ ဘာသာရေးနဲ့ စည်းရုံးတာပါ။ နောက်ပျော်ပွဲရွှင်ပွဲတွေ ကျင်းပခွင့်ပေးခဲတာ လှေပြိုင်ပွဲ၊လှည်းပြိုင်ပွဲတွေလုပ်ခဲ့တာ ဟာ ပျော်ရွှင်မှုနဲ့ စည်းရုံးတာပဲဖြစ်ပါတယ်။ နောက်ခံယူချက်သိပ်မရှိတဲ့ ဆန့် ကျင်ဘက်လက်နက် ကိုင်တွေကို လိုသမျှအခွင့်အရေးပေး ပြီးစည်းရုံးတယ်။ သူတို့ ဆီက အာဏာကလွဲ ပြီး တခြား အခွင့်အရေးမှန်သမျှပေးတယ်။ အစဉ်အလာကောင်းတဲ့ တော်လှန်ရေးအဖွဲ့ တစ်ခုဖြစ်တဲ့ KNU ကို လည်း ဘာသာရေး အကြောင်းပြပြီးခွဲခဲ့တယ်။ နောက်တစ်ခါ အခွင့်အရေးပေးပြီးထပ်ခွဲ တယ်။ အဓိက ကတော့ ကျနော်တို့ တိုင်းရင်းသားတွေအားလုံးရဲ့ ပင်ကိုယ်စိတ်က ဘယ်သူကို မှ ဒုက္ခမပေးပဲ ငြိမ်းငြိမ်းချမ်းချမ်နေချင်တဲ့ ချစ်စရာကောင်းတဲ့ စိတ်တွေကို အရောင်းဆိုးအသုံး ချတာဖြစ်ပါတယ်။

သူတို့ ထွက်ပေါက်
နောက်သူတို့ ခေတ်အဆက်ဆက် ကျဉ်းထဲကျပ်ထဲရောက်တာနဲ့  သုံးလေ့ရှိ တဲ့ ထွက်ပေါက် တစ်ခုက ညှိနှိုင်းရေး စာပွဲပေါ်ကို ခေါ်တတ်တာပါ။ ကွန်မြူနစ်ပါတီကို လည်း ညှိနှိုင်းရေး ခေါ်ခဲ့ဘူးပါတယ်(၁၉၅၅ လို့ ထင်ပါတယ်)။ ဦးနု အစိုးရလက်ထက်မှာဖြစ်ပါတယ်။ နောက်ထပ်ခေါ် တာတွေလဲရှိပါတယ်။ နောက် KNU ၊ NLD တို့ ကိုလည်း ညှိနှိုင်းရေးတွေ လုပ် ခဲ့ပါတယ်။ အဲလို ညှိနှိုင်းရေးတွေ လုပ်တယ်ဆိုတာ BCP၊ KNU၊ NLD တို့ ကိုစည်းရုံးတာ မဟုတ်ပဲ အသုံးချတာပါ။ သူတို့ တကယ်လို ချင်တဲ့ ပြယုဒ်က အာဏာပိုင်ဘက်ကသဘော ထားကြီးကြီးထား စည်းရုံးတာကို ဆန့် ကျင်ဘက်အဖွဲ့ အစည်းတွေက လက်မခံနိုင်လို့ ပျက်ရပါ တယ် ဆိုတဲ့ အဖြစ်ကိုလိုချင်တာပါ။ ဒါ့ကြောင့်လဲ ဘယ်တော့မှ လက်ခံနိုင်တဲ့ ကမ်းလှမ်းမှုမျိုး နဲ့ မညှိနှိုင်းတာဖြစ်ပါတယ်။ ခုလက်ရှိအနေအထားမှာ လဲ NLD နဲ့ တွေ့ ဖို့ ကမ်းလှမ်း ထားတာ လဲ ဒီအကွက်ကို လိုချင်လို့ ပါ။

သင်းတို့ ရဲ ဆရာဘယ်သူလဲ
ကျနော် အထင်တော့ ခေတ်အဆက်ဆက်အတိုက် အခံအဖွဲ့ အစည်းတွေအားလုံး က အာဏာရှင်ရဲ့ ဆရာပါပဲ။ သူတို့ ဘက်က အထက်စီးနဲ့ ညှိနှိုင်းဖို့ တောင်းဆိုရင် အလိုလို ပျက်သွားတတ်တယ် ဆိုတာကို ကျနော်တို့ ဘက်က သက်သေအကြိမ်ကြိမ်ပြသင်ကြားခဲ့ တာပါ။ လက်ရှိစစ်တပ်က ခေါင်းဆောင်ဆိုတဲ့ လူတွေထဲမှာ ကျနော်မြင်သလောက်လူတော် တစ်ယောက်မှ မပါဘူး။ ဒါပေမဲ့ အမှတ်သဲခြေကြီးတဲ့ ခပ်တုံးတုံးကလေး တစ်ယောက်လိုပါပဲ။ နောက် မေးခွန်းနားမလည်ပေမဲ့ အလွတ်ကျက်ပြီးစာမေပွဲဖြေတဲ့ လူတစ်ယောက်ကျက်ထား သမျှအကုန်တိုးသလို ပါပဲ။ စက်တင်ဘာလူထုတိုက်ပွဲ အဆုံးသတ်အပိုင်းမှာ အင်တာနက် အပါ အဝင် ပြည်ပနဲ့ ဆက်သွယ်လို့ ရတဲ့ ဖုန်း၊Fax အားလုံးကို ပိတ်ပစ်လိုက်တယ်။ အဲလို ပိတ်ထား တာအဓိက အကြောင်းတစ်ခုမဟုတ်ပေမဲ့ အဲဒီအချိန်မှာပဲ လူထုတိုက်ပွဲတွေ အဆက်ပြတ်သွား တာဖြစ်ပါတယ်။ ဒါကြောင့် အခုတစ်ခါ ပခုက္ကူ က သံဃာတွေ လှုပ်ရှားတာနဲ့ တပြိုင်းထဲ ပထမ ဆုံးလုပ်လိုက်တာ ပြည်ပဆက်သွယ်ရေး လမ်းကြောင်းတွေ အကုန်လုံးကို ပိတ်ဆို့ လိုက်တာ ကို တွေရတယ်။ အန်တီစု ကို ဆွေးနွေးဖို့  ကမ်းလှမ်းတယ်ဆိုတာလဲ နိုင်ငံတကာဖိအားလျော့ သွားစေ့ချင်တာရယ်။ ဒီဆွေနွေးပွဲဟာဖြစ်လာမှာ မဟုတ်ဘူးဆိုတာယုံတာရယ်ကြောင့်ပါ။ သေချာတွေကြည့်ရင် ကျနော်တို့ ဘက်က အာဏာရှင်ကို သင်ပေးထားတာတွေအများကြီးဗျ။

End Game

နအဖ ရဲ့ လက်ရှိအခြေအနေကို ကျနော် ဥာဏ်မှီသလောက် တွေးကြည့်လို့ ရတာကတော့ သူတို့ ဘက်က ဒီအခြေအနေကို ရှင်းရှင်းလင်းလင်း သဘောပေါက်ထားတယ်လို့ ထင်ပါတယ်။ ဒီတစ်ခါတိုက်ပွဲမှာ အကောင်းဆုံးတစ်ယောက်ပဲ ကျန်မယ်ဆိုတာကို လဲ လက်ခံထားပြီးလို့  ထင်ပါတယ်။ ရင်ဆိုင်ဖို့  အစီအစဉ်တွေကိုလည်း အသေးစိတ်ရေးဆွဲပြီးဖြစ်မယ်ထင်ပါတယ်။ အာဏာရှင်တွေ ဆိုတာကတော့ သူတို့ အာဏာတည်မြဲရေးအတွက် နောက်ဆုံး မြန်မာပြည်က လူတွေကုန်အောင် သတ်ဖို့  ထောင်ထဲထည့်ဖို့ လည်းအသင့် အနေအထားဖြစ်မှာပါ။ နောက်ဆုံး နိုင်ငံတစ်ကာက လက်နက်ကိုင် အရေးယူတာမျိုးဆို (နိုင်ငံတကာတပ်တွေ လာမယ်လို့  လောလောဆယ်တွေမိသလောက် လုံးဝ မယုံပါ) တောင်မှ ထမင်းအိုးညှိမဲ့ အစီအစဉ်တွေ ရှိနေလောက်ပါတယ်။ စစ်တပ်ကတော့ တကယ်လို့  နိုင်ငံတကာတပ်ဝင်လာ ခဲ့ လို့ တိုက်ကျခိုက်ကျရင် ပြည်သူတွေပါ ဒုက္ခရောက်မယ်ဆို တဲ့ တွေးလုံးမျိုးလဲရှိနေမှာပါ။ သူတို့ ကို သူတို့  အရှုံးဘက်ကတွက်ထာပြီးဖြစ်မှာပါ။ သူတို့  အာဏာလက်မဲ့ ဖြစ်တာနဲ့  ပြည်သူ့ ခုံရုံးမှာ တရားစွဲ ခံရမယ်ဆိုတာကို လည်းထိတ်လန့် နေမှာပါ။ အဲဒီအတွက် အစွန်းဆုံး ထိမိုက်မဲ ဖို့  ပြင်ဆင်ထားတာဖြစ်ပါတယ်။

လူညံ့စိတ်ကူး
ဒီတစ်ခါအခြေအနေ က လုံးဝအမှာမခံနိုင်တဲ့ အခြေနေဆိုတာ အားလုံးလဲသိနေပြီဖြစ်မှာပါ။ စစ်အာဏာရှင်တွေဘက်ကလဲ လုံးဝအခြေမလှတာကို တွေ့ နေရပါတယ်။ ၁၉ နှစ်အတွင်းမှာ အဆိုးးဝါးဆုံးအခြေအနေကို ရောက်နေတာဖြစ်ပါတယ်။ ဒီလိုအခြေအနေပေး တုန်းမှာ ကျနော် တို့ ဘက်က ပါးပါးနပ်နပ်နဲ့  ရုန်းနိုင်ရင် ကျနော်တို့ ရည်ရွယ်တဲ့ လေထုသစ်ကို အလွယ်တကူ ရနိုင်လိမ့်မယ်ထင်ပါတယ်။ ကျနော်စိတ်ကူးထဲမှာတော့ အန်တီစုက ညှိနှိုင်းရေး စာပွဲမှာထိုင် ။ လူထုကလည်း ငြိမ်းငြိမ်း ချမ်းချမ်း တိုက်ပွဲဝင်။ ကျနော်တို့ ကျောင်းသားတပ်မတော်က လည်း ရသလောက်နေရာ မှာ လက်နက်ကိုင်တိုက်ပွဲဝင်။ ဗိုလ်သန်းရွှေ၊ ဗိုလ်မောင်အေး၊ ဗိုလ်ရွှေမန်း နဲ့  သူ့ တို့ ရဲ့  နောက်လိုက်နောက်ပါတွေလဲ မေးခွန်းမတိုးလို့  စာမေးပွဲခန်းထဲ မှာချွေးပြန် နေတာကို မျက်စိထဲ ပြေးပြေးမြင်နေမိတယ်ဗျာ။

မိုးထက်နေ


အသိပေးချက်
လက်ရှိအနေအထားမှာ ကိုရွှေဘိုသား မအားမလပ်ဖြစ်နေတဲ့ အတွက်ကြောင့်ဒီဆောင်းပါကို ကိုရွှေဘိုသားရဲ့  သဘောတူညီချက်မယူလိုက်ရပဲ ကျနော် ကိုယ်တိုင်တင်လိုက်တာပါ။ ဆောင်းပါမှာ အမှားအယွင်း တစ်စုံတစ်ရာများရှိခဲ့ရင် ကျနော် နှင့်သာတိုက်ရိုက် သက်ဆိုင်ပါတယ် ခင်ဗျာ။ ဒီဆောင်းပါနဲ့ ပတ်သက်လို့ ဝေဖန်အကြံ ပေးလို ရင် moehtetnay@gmail.com ကို CC နဲ့ ပေးပို့ စေလို ပါတယ်။ ရှေ့ ဆက် ကိုရွှေဘိုသား နဲ့  အဆက်အသွယ်မရခဲ့ သေးရင်လဲ ကျနော် မာဆိုး၊မိုးထက်နေ နာမည်နဲ့ ဆောင်းပါများကို ဆက်တင်သွားပါမယ်ခင်ဗျာ။
မိုးထက်နေ (မာဆိုး)

2 ခုရှိတယ်(မိတ်ဆွေတွေရဲ့အယူအဆ):

Unknown said...

good idea, keep on

Anonymous said...

Impressive analysis. Thanks for sharing and suggest sharing those with sites which has more audience like Mizzima, Irrawaddy, Burma Today, Moe Ma Kha, etc..